ဟနွိုင်း ဧပြီ ၁၇
ဗီယက်နမ်နိုင်ငံ၌ ဧပြီ ၁၆ ရက်က ကိုဗစ်-၁၉ ကူးစက်ခံရသူ ၃၈၁၄ ဦးရှိရာမှ ဧပြီ ၁၇ ရက်တွင် ကိုဗစ်-၁၉ ထပ်မံကူးစက်ခံရသူ ၁၄၆၆၀ ရှိလာကြောင်း ကျန်းမာ ရေးဝန်ကြီးဌာန၏ ဖော်ပြချက် အရ သိရသည်။
ဗီယက်နမ်နိုင်ငံ၌ ကိုဗစ်-၁၉ ထပ်မံကူးစက်ခံရသူများမှာ မြို့နယ် နှင့် ပြည်နယ် ၆၀ မှ ကူးစက်မှုများ ဖြစ်ပြီး အဆိုပါကူးစက်ခံရသူများ မှာ ပြည်တွင်းကူးစက်မှုများဖြစ် ကြောင်း သိရသည်။
ဗီယက်နမ်နိုင်ငံ၌ ဧပြီ ၁၇ ရက်တွင် ကိုဗစ်-၁၉ ထပ်မံ ကူးစက်ခံရသူများမှာ မြို့တော် ဟနွိုင်းတွင် ၁၂၅၃ ဦး ရှိကြောင်း၊ နိုင်ငံ၏မြောက်ပိုင်း ပြည်နယ်များ ဖြစ်သည့် ယင်ဘိုင်းပြည်နယ်တွင် ၈၀၁ ဦးနှင့် ကွမ်နင်းပြည်နယ် တွင် ၇၇၈ ဦးတို့ရှိကြောင်း သိရ သည်။
ဗီယက်နမ်နိုင်ငံ၌ ကိုဗစ်-၁၉ ကူးစက်ခံရသူ စုစုပေါင်းမှာ ၁၀၄၃၂၅၄၇ ဦး ရှိသည့်အနက် သေဆုံးသူ စုစုပေါင်းမှာ ၄၂၉၄၄ ဦးရှိကြောင်း သိရသည်။ ကိုဗစ်-၁၉ ကူးစက်ခံရပြီး ပြန်လည်ကျန်းမာ လာသူ စုစုပေါင်းမှာ ၈၉၃၆၈၄၆ ဦးရှိကြောင်း သိရသည်။
ဗီယက်နမ်နိုင်ငံ၌ အသက် ၁၈ နှစ်နှင့်အထက် ပြည်သူများ အား ကိုဗစ်-၁၉ ကာကွယ်ဆေး အလုံးရေ ၁၉၂ ဒသမ ၂ သန်း ထိုးနှံ ပေးမှုအပါအဝင် နိုင်ငံအတွင်း ကိုဗစ်-၁၉ ကာကွယ်ဆေးအလုံး ရေ ၂၀၉ ဒသမ ၅ သန်းခန့် ထိုးနှံ ပေးပြီးဖြစ်ကြောင်း ကျန်းမာရေး ဝန်ကြီးဌာနမှ သိရသည်။
ဗီယက်နမ်နိုင်ငံ၌ ကိုဗစ်-၁၉ ရောဂါကို စတုတ္ထလှိုင်းအထိ တွေ့ကြုံခဲ့ရသည်။ ၂၀၂၁ ဧပြီလ လက်ရှိ စတုတ္ထလှိုင်းစတင်သည့် အချိန်မှစကာ ယခု ဧပြီ ၁၇ ရက် အထိ ကိုဗစ်-၁၉ ပြည်တွင်း ကူးစက်ခံရသူ ၁၀ ဒသမ ၄ သန်း ကျော်ရှိကြောင်း ကျန်းမာရေး ဝန်ကြီးဌာန၏ ဖော်ပြချက်အရ သိရသည်။
ဆင်ဟွာ
