ဟနွိုင်း ဇူလိုင် ၆
ဗီယက်နမ်နိုင်ငံသည် ယခုနှစ် ပထမခြောက်လ အတွင်း ပြည်ပသို့ အဝတ်အထည်တင်ပို့မှုမှ ဝင်ငွေ အမေရိကန်ဒေါ်လာ ၁၈ ဒသမ ၆ ဘီလီယံရရှိခဲ့ပြီး ယခုရရှိခဲ့သည့်ဝင်ငွေသည် ယမန်နှစ်အလားတူ ကာလကထက် ၂၁ ဒသမ ၆ ရာခိုင်နှုန်း တိုးတက် လာခဲ့ကြောင်း စက်မှုဝန်ကြီးဌာနက ပြောကြားသည်။
ဗီယက်နမ်နိုင်ငံ၏ အဝတ်အထည်တင်ပို့မှုမှ ဇွန်လအတွင်းမှာပင် ၃ ဒသမ ၆ ဘီလီယံရရှိခဲ့ကြောင်း သိရသည်။ ယခုကဲ့သို့ ပြည်ပနိုင်ငံများအား အဝတ် အထည်များစွာ တင်ပို့ရောင်းချနိုင်ခဲ့ခြင်းသည် လွတ်လပ်စွာကုန်သွယ်မှုဆိုင်ရာ သဘောတူညီချက် များအား ထိရောက်စွာ အကောင်အထည်ဖော် ဆောင်ရွက်နိုင်ခဲ့ခြင်းကြောင့် ဖြစ်ကြောင်း သိရသည်။
ယခုနှစ်အတွင်း အဝတ်အထည်များ ပြည်ပ တင်ပို့ရောင်းချရာမှ ဝင်ငွေအမေရိကန်ဒေါ်လာ ၄၃ ဒသမ ၅ သန်းရရှိမည်ဟုခန့်မှန်းထားသည်။
အဝတ်အထည်များ ပြည်ပတင်ပို့ ရောင်းချ ခြင်းမှ ယမန်နှစ်အတွင်း အမေရိကန်ဒေါ်လာ ၃၂ ဒသမ ၇ ဘီလီယံ ရရှိခဲ့ကြောင်း ဗဟိုစာရင်းအင်းရုံးက ပြောကြားသည်။
ဗီယက်နမ်နိုင်ငံ၏ အဝတ်အထည်ဈေးကွက် များမှာ တရုတ်၊ ဂျပန်၊ တောင်ကိုရီးယားနှင့် အမေရိကန်နိုင်ငံတို့ ဖြစ်သည်။
ကိုးကား- ဆင်ဟွာ
ဘာသာပြန်- စိုးသူရ
