ဇူလိုင် ၁၁
အိန္ဒိယနိုင်ငံတွင် ကိုဗစ်မျိုးကွဲများထပ်မံကူးစက်မှုဖြစ်ပွားသဖြင့် စိုးရိမ်မှုများဖြစ်ပေါ်နေချိန် ကိုဗစ်-၁၉ ရောဂါကူးစက်ခံရသူ ၁၆၆၇၈ ဦး ထပ်မံတွေ့ရှိခဲ့ကြောင်း နိုင်ငံ၏ ကျန်းမာရေးဝန်ကြီးဌာနက ယနေ့ထုတ်ပြန်ကြေညာထားသည်။
နိုင်ငံတစ်ဝန်းတွင် ကိုဗစ်-၁၉ ရောဂါကူးစက်ခံရသူပေါင်း ၄၃၆၃၉၃၂၉ ဦး အထိ ရှိလာသည်ဟု သိရသည်။
အဆိုပါရောဂါကူးစက်ခံရမှုကြောင့် ၂၆ ဦး ထပ်မံသေဆုံးခဲ့ပြီးနောက် သေဆုံးသူပေါင်း ၅၂၅၄၅၄ ဦး အထိ ရှိလာသည်။
နိုင်ငံအတွင်း ကိုဗစ်ရောဂါဖြစ်ပွားဆဲလူနာ ၁၃၀၇၁၃ ဦး ရှိသည်။
ကျန်းမာရေးဆိုင်ရာတာဝန်ရှိသူများက အိုမီခရွန်မျိုးကွဲ ဘီအေ-၄ နှင့် ဘီအေ-၅ အမျိုးအစား ကူးစက်မှုများကြောင့် ကိုဗစ်-၁၉ ရောဂါထပ်မံကူးစက်မှုများ မြင့်မားနိုင်သည်ဟု သတိပေးပြောကြားထားသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
