မိုင်းယောင်း မတ် ၃၀
ရှမ်းပြည်နယ်(အရှေ့ပိုင်း)၊ မိုင်းယောင်းခရိုင်၊ မိုင်းယောင်းမြို့နယ်တွင် ဆီထွက်သီးနှံ နေကြာ စိုက်ပျိုးထုတ်လုပ်မှုပြပွဲကို ယနေ့ နံနက် ၈ နာရီက ဝမ်ဘိုးအုပ်စု၊ ဝမ်ဘိုးကျေးရွာရှိ တောင်သူ ဦးစိုင်းသီဟ၏ ဆင်းရွှေနေကြာ-၂ နှစ် ဧကစိုက်ခင်း၌ ကျင်းပသည်။
အဆိုပါ ဆီထွက်သီးနှံနေကြာ စိုက်ပျိုးထုတ်လုပ်မှုပြပွဲသို့ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်(၁) ဗိုလ်မှူးဇော်မင်းဆွေနှင့် အဖွဲ့ဝင်များ၊ စိုက်ပျိုးရေးဦးစီးဌာန မြို့နယ်ဦးစီးမှူး ဦးကျော်ကျော်မိုးနှင့် အဖွဲ့ဝင်များ၊ တောင်သူများ တက်ရောက်ခဲ့ကြပြီး မြို့နယ်စိုက်ပျိုးရေးဦးစီးဌာန ဝန်ထမ်းများက နေကြာ တစ်ဧက ၅၀ တင်း ပန်းတိုင်အထွက်နှုန်းရရှိစေရန် စိုက်ပျိုးနည်းပညာပေး လက်ကမ်း စာစောင်များ ဖြန့်ဝေခဲ့သည်။
မိုင်းယောင်းမြို့နယ်အတွင်း စားသုံးဆီဖူလုံစေရေးအတွက် မိုးရာသီတွင် ၂၅ ဧက၊ ဆောင်းရာသီတွင် ၆ ဧက စိုက်ပျိုးဆောင်ရွက်လျက်ရှိကြောင်း၊ တောင်သူတစ်ဦးချင်းအလိုက် တစ်ဧက သီးနှံ အထွက်နှုန်း တိုးတက်ရေးနှင့် သီးနှံပိုးမွှားရောဂါ ကြိုတင်ကာကွယ်ရေးအတွက် စိုက်ပျိုးနည်းပညာ များ၊ သီးနှံမျိုးစေ့များကို စိုက်ပျိုးရေးဦးစီးဌာနမှ ပံ့ပိုးကူညီ ဆောင်ရွက်ပေးလျက်ရှိကြောင်း သိရသည်။
စိုင်းအောင်ဇော်လင်း
