လယ်ဝေးမြို့နယ် လေဘေးသင့်ကျေးရွာများတွင် စက်မှုလယ်ယာဦးစီးဌာနမှ စက်ယန္တရားများဖြင့် ကူညီဆောင်ရွက်ပေး

လယ်ဝေး ဧပြီ ၃၀

ပြည်ထောင်စုနယ်မြေ၊ လယ်ဝေးမြို့နယ်အတွင်းရှိ လေဘေးသင့်ကျေးရွာများဖြစ်သည့် အောင်မြင်ကုန်းကျေးရွာနှင့် တံတားဦးကျေးရွာများတွင် ပျက်စီးခဲ့သည့် အဆောက်အဦများအား ပြန်လည်ထူထောင်ရေးအတွက် သန့်ရှင်းရေးလုပ်ငန်းများအား ဆောင်ရွက်လျက်ရှိသည်။

ထိုသို့ဆောင်ရွက်လျက်ရှိရာ လယ်ဝေးမြို့၊ အမှတ်(၄၇) စက်မှုလယ်ယာစခန်းမှ စက်ယန္တရားများဖြင့် ကျေးရွာတွင်းလမ်းများ ရှင်းလင်းခြင်း၊ အပျက်အစီးများ ဖယ်ရှားခြင်း၊ အမှိုက်များရှင်းလင်းခြင်း စသည့်လုပ်ငန်းများအား ကူညီဆောင်ရွက်ပေးလျက်ရှိကြောင်း သိရသည်။

ဝေကြည်(ပြန်/ဆက်)