နေပြည်တော်    ဩဂုတ်   ၃၀

တရုတ်ပြည်သူ့ သမ္မတနိုင်ငံ ကွေ့ကျိုးပြည်နယ်    ကွေ့ရမ်မြို့တွင် ရောက်ရှိနေသော    ပြည်ထောင်စု ဝန်ကြီး  ဒေါက်တာ ညွန့်ဖေ   ဦးဆောင်သော  မြန်မာကိုယ်စားလှယ်အဖွဲ့သည် ယနေ့ နံနက်ပိုင်းက ကွေ့ကျိုးတက္ကသိုလ်(Guizhou University)သို့ သွားရောက်လေ့လာရာ တက္ကသိုလ်မှတာဝန်ရှိသူများက တက္ကသိုလ်ရှိ စာကြည့်တိုက်၊ လက်တွေ့ခန်းများ၊ တက္ကသိုလ်သမိုင်းပြတိုက်နှင့်  တက္ကသိုလ်အတွင်း လိုက်လံရှင်းလင်းပြသကြသည်။

ရှင်းလင်းပြောကြား

ထို့နောက် ပြည်ထောင်စုဝန်ကြီး  ဦးဆောင်သော  မြန်မာကိုယ်စားလှယ်အဖွဲ့နှင့်  ကွေ့ကျိုးတက္ကသိုလ်မှ     တာဝန်ရှိသူများ တွေ့ဆုံပွဲကို   အဆိုပါ တက္ကသိုလ် ဧည့်ခန်းမ၌ ကျင်းပရာ ကွေ့ကျိုးတက္ကသိုလ်မှ   တာဝန်ရှိသူများက တက္ကသိုလ်ဆိုင်ရာ အချက်အလက်များကို ရှင်းလင်းပြောကြားပြီး ကွေ့ကျိုး တက္ကသိုလ်နှင့် ပညာရေးဝန်ကြီးဌာနရှိ တက္ကသိုလ်များအကြား ပညာရေးဆိုင်ရာ ပူးပေါင်းဆောင်ရွက် ရေးကိစ္စများကို ဆွေးနွေးခဲ့ကြသည်။

သွားရောက်လေ့လာ

မွန်းလွဲပိုင်းတွင် ပြည်ထောင်စုဝန်ကြီးနှင့်အဖွဲ့သည် ကွေ့ကျိုး ပါ့လင်ကြိုးတံတားပြတိုက်သို့ သွားရောက် လေ့လာခဲ့ကြကြောင်း သိရသည်။

သတင်းစဉ်