၂၁ ဖေဖော်ဝါရီ

Galaxy ဆယ်နှစ်ပြည့်အထိမ်းအမှတ်အဖြစ် တောင်ကိုရီးယားနိုင်ငံထုတ် ဆမ်ဆောင်း စမတ်ဖုန်းအသစ်ကို မနေ့က စတင်မိတ်ဆက်လိုက်ပါတယ်။ အသစ်ထုတ်လုပ်တဲ့ ခေါက်ထားနိုင်တဲ့ စမတ်ဖုန်းဟာ ဖြန့်လိုက်လျှင် တပ်ပလတ် (tablet) တစ်ခုလို ဖြစ်သွားပြီး 5G နက်ဝပ်ကို အသုံးပြုထားတာကိုလည်း တွေ့ရပါတယ်။ ဒီမိတ်ဆက်ပွဲကို အမေရိကန်နိုင်ငံ ဆန်ဖရန်စစ္စကိုမှာ ပြုခဲ့တာဖြစ်ပါတယ်။ 

ဆမ်ဆောင်းဖုန်းအသစ် Galaxy Fold ရဲ့ မျက်နှာပြင်ဟာ ၄.၆ လက်မရှိပြီး ဖြန့်လိုက်လျှင် ၇.၃ လက်မအရွယ် တပ်ပလတ် (tablet) တစ်ခုလိုဖြစ်သွားတာကို တွေ့ရပါတယ်။ ဒီဖုန်းကို ဧပြီ ၂၆ ရက်မှာ စားသုံးသူတွေ လက်ထဲကို ရောက်ရှိအောင် ဖြန့်ချီသွားမှာဖြစ်ပြီး တန်ဖိုးအားဖြင့် အမေရိကန်ဒေါ်လာ ၁၉၈၀ (မြန်မာငွေ သိန်း ၃၀ နီးပါး) ဖြစ်ပါတယ်။

Galaxy Fold ဖုန်းရဲ့ ထူးခြားချက်ကတော့ YouTube ဗီဒီယိုကို ကြည့်နိုင်တယ်။ မိတ်ဆွေသူငယ်ချင်းဆီကို စာပို့နိုင်တယ်။ ခရီးသွားဖို့အတွက်လည်း ခရီစဉ် ရှာဖွေနိုင်တယ်။ အဲဒီအလုပ်တွေကို တစ်ချိန်တည်း လုပ်နိုင်တာက ဒီဖုန်းရဲ့ ထူးခြားချက်ဖြစ်ပါတယ်။ Galaxy Fold  ဟာ တခြားစမတ်ဖုန်းတွေနဲ့ မတူတဲ့ ကန့်သတ်မှုမရှိတဲ့ အကောင်းဆုံး ပစ္စည်းဖြစ်တယ်လို့ ဆိုပါတယ်။ 

မနေ့ကဘဲ GalaxyS10 စမတ်ဖုန်း အသစ်ကို လာမယ့် သီတင်းပတ် မိုဘိုင်းကမ္ဘာကွန်ကရက်မှာ မိတ်ဆက်သွားဖို့ ရှိနေပါတယ်။ ဆမ်ဆောင်းရဲ့ ပြိုင်ဘက်တွေကလည်း 5G နက်ဝက်ကို အဲဒီကွန်ကရက်မှာ မိတ်ဆက်မယ်လို့ မျှော်လင့် ရပါတယ်။ 

GalaxyS10 5G စမတ်ဖုန်း ရဲ့ က S10e အမေရိကန်ဒေါ်လာ ၇၄၉ ရှိပြီး S10 Plus အမေရိကန်ဒေါ်လာ ၉၉၉ ပေးရမှာ ဖြစ်ပါဖြစ်ပါတယ်။ GalaxyS10 ဖုန်းတွေ ကတော့ မတ်လ ၈ ရက်နေ့မှာ ဈေးကွက်ကို ရောက်ရှိမှာဖြစ်ပါတယ်။ 

MDN
ကိုးကား - AFP