လွိုင်လင်၊ တောင်ကြီးနှင့် ဟိုပုံးမြို့နယ်တို့တွင် မူးယစ်ဆေးဝါးများ ဖမ်းဆီးရမိ

နေပြည်တော် အောက်တိုဘာ ၂၂

လွိုင်လင်မြို့နယ်၊ တောင်ကြီးမြို့နယ်နှင့် ဟိုပုံးမြို့နယ်တို့တွင် မူးယစ်ဆေးဝါးများ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အောက်တိုဘာ ၁၈ ရက် ည ၈ နာရီ မိနစ် ၄၀ တွင် လွိုင်လင်မြို့နယ် ပင်လုံမြို့ ပန်မုန့်ကျေးရွာအုပ်စု ပေါင်းလိုင်းကျေးရွာအနီးတွင် နော်ထွန်း မောင်းနှင်လာသည့် HONDA FIT အမျိုးအစား မော်တော်ယာဉ်ကို ရပ်တန့်စစ်ဆေးရှာဖွေရာ စိတ်ပြောင်းဆေးဝါး Happy Water သုည ဒသမ ၀၀၆ ကီလို သိမ်းဆည်းရမိခဲ့ပြီး ကွင်းဆက်အရ ည ၈ နာရီ ၄၅ မိနစ်တွင် အဆိုပါနေရာ၌ စိုင်းပီး မောင်းနှင်လာသည့် TOYOTA WISH အမျိုးအစား မော်တော်ယာဉ်ပေါ်မှ စိတ်ပြောင်းဆေးဝါးများဖြစ်သည့် Happy Water သုည ဒသမ ၆ ကီလိုနှင့် ကက်တမင်း သုည ဒသမ ၁ ကီလိုကိုလည်းကောင်း၊ အောက်တိုဘာ ၁၉ ရက် မွန်းလွဲ ၂ နာရီတွင် စိတ်ပြောင်းဆေးဝါးများ လက်ခံမည့်သူများဖြစ်သည့် ထက်အောင်ဦးနှင့် မောင်မောင်ထွန်း (ခ) အားမီ (ခ) အားချိန် တို့အား တောင်ကြီးမြို့ သစ်တောရပ်ကွက်တွင် HONDA FIT အမျိုးအစား မော်တော်ယာဉ်တစ်စီးနှင့် လည်းကောင်း၊ မွန်းလွဲ ၂ နာရီ ၄၅ မိနစ်တွင် တောင်ကြီးမြို့နယ်၊ အေးသာယာမြို့ နယ်မြေ(၉)ရှိ ထက်အောင်ဦး၏ နေအိမ်မှ စိတ်ပြောင်းဆေးဝါး Happy Water ၁ ဒသမ ၆၈ ကီလိုအားလည်းကောင်း ဖမ်းဆီးရမိခဲ့သည်။

အလားတူ အောက်တိုဘာ ၁၈ ရက် နံနက် ၁၀ နာရီ မိနစ် ၅၀ တွင် $Description: \\MAINPC\Main(2)\2024 DATA\10. Daily Significant Case (2024)\01. January\23-1-2024 ATS 20 Lakhs, Ice 23 kg & Opium 75 kg (Su-30)\Photos\Mail Photos\viber_image_2024-01-23_20-47-42-117.jpg$ ပူးပေါင်းအဖွဲ့သည် ဟိုပုံးမြို့နယ် လုံခုတ်ကျေးရွာအုပ်စု ဟိုနန့်ကျေးရွာအနီးတွင် TOYOTA SUCCEED အမျိုးအစား ခရီးသည်တင်ယာဉ်ကို ရပ်တန့်စစ်ဆေးရှာဖွေရာ ယာဉ်ပေါ်ပါခရီးသည် ဇော်မိုးလွင် (ခ) ဇော်လင်း ထံမှ စိတ်ကြွရူးသွပ်ဆေးပြား ၂၃၀,၀၀၀၊ အိုက်စ်(မက်သ်အဖက်တမင်း) သုည ဒသမ ၄ ကီလိုကိုလည်းကောင်း ဖမ်းဆီးရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။

သတင်းစဉ်