ဆိုးလ် မေ ၂၉
တောင်ကိုရီးယား တပ်မတော် လေယာဉ်ပျက်ကျမှုတွင် အမှုထမ်းလေးဦး သေဆုံးခဲ့ကြောင်း ဒေသတွင်းသတင်းစာ ဂျိုဆွန်း အဲလ်ဘိုက မေ ၂၉ ရက်တွင် ဖော်ပြသည်။
ပီ- ၃ ရေကြောင်းကင်းလှည့် လေယာဉ်သည် အမှုထမ်းလေးဦးနှင့်အတူ လေ့ကျင့်ရေးပြုလုပ်ရန်အတွက် အရှေ့ တောင်ပိုင်း ပိုဟန်းမြို့ရှိ အခြေစိုက်စခန်း တစ်ခုမှ ဒေသစံတော်ချိန် မွန်းလွဲ ၁ နာရီ ၄၃ မိနစ်တွင် ထွက်ခွာခဲ့ပြီး မွန်းလွဲ ၁ နာရီ ၄၉ မိနစ်ခန့်တွင် တပ်စခန်းအနီး တောင်ကုန်းပေါ်သို့ ပျက်ကျခဲ့ခြင်းဖြစ်သည်။
အဆိုပါဖြစ်စဉ်အတွင်း အရပ်သား ထိခိုက်သေဆုံးမှုများ ရှိ၊ မရှိ မသိရသေးကြောင်း ကာကွယ်ရေးဝန်ကြီးဌာနမှ သိရသည်။
လေယာဉ်အမှုထမ်း အားလုံးကို မီးလောင်ထားသည့် ရုပ်အလောင်းများအဖြစ် တွေ့ရှိခဲ့ပြီး မီးသတ်တပ်ဖွဲ့က လေယာဉ်မီးလောင်မှုကို စုပေါင်းငြှိမ်းသတ် ခဲ့ရသည်။ ပျက်ကျခဲ့သည့်လေယာဉ်သည် မီးလောင်ပျက်စီးသွားခဲ့သည်။
ဆင်ဟွာ
