ကယ်ဂါရီ   ဇွန်  ၁၇

ဂျီ-၇ အုပ်စုဝင် နိုင်ငံခေါင်းဆောင်များ၏ နှစ်ရက်ကြာ ထိပ်သီးအစည်းအဝေး ပထမနေ့ကို   ကနေဒါ နိုင်ငံ အယ်လဗားတားပြည်နယ် ကန်နာနာ့ကစ်တောင်ပေါ် အပန်းဖြေစခန်းတွင် ဇွန် ၁၆ ရက်က ပြုလုပ်ခဲ့သည်။

ပြင်သစ်သမ္မတ အီမန်နျူရယ်မက်ခရွန်၊ ဂျာမနီဝန်ကြီးချုပ် ဖရိုင်းဒရစ်ချ်မာ့ဇ်နှင့် ဗြိတိန်ဝန်ကြီးချုပ် ကီယာစတားမာတို့သည် ဂျီ-၇ အုပ်စုဝင်ခေါင်းဆောင်များအကြား အရှေ့အလယ်ပိုင်းအရေးနှင့် ပတ်သက်ပြီး အများသဘောတူဆန္ဒတစ်ခုကို   အပြီးသတ်ရရှိရန် မျှော်လင့်လျက်ရှိသည်။ 

အစည်းအဝေးတွင်  အမေရိကန်သမ္မတ ထရမ့်နှင့် ကုန်သွယ်ရေးပြဿနာဆိုင်ရာများကို ဆွေးနွေး သွားမည်ဖြစ်ပြီး  စောင့်ကြည့်လေ့လာသူများက ထရမ့်၏  ကုန်သွယ်ရေးဆိုင်ရာ    သဘောထား ပျော့ပျောင်းလာမည်လားဆိုသည်ကို    လေ့လာစောင့်ကြည့်လျက်ရှိသည်။

ဂျီ-၇ ထိပ်သီးအစည်းအဝေးတွင် ကမ္ဘာ့စီးပွားရေးနှင့် စွမ်းအင်လုံခြုံရေးဆိုင်ရာကိစ္စရပ်များကို ဦးစားပေးဆွေးနွေးသွားမည်ဖြစ်သည်။

အစည်းအဝေးကို မူလက ယခုသီတင်းပတ်ကုန်တွင်  စတင်ရန်  စီစဉ်ခဲ့သော်လည်း   နောက်ပိုင်းတွင် နှစ်ရက်ကြာအစည်းအဝေးသို့  ပြောင်းလဲခဲ့ပြီး  ဇွန် ၁၆ ရက်တွင် တရားဝင်ကျင်းပခဲ့သည်။

ဂျီ-၇ အဖွဲ့သည် ဥရောပသမဂ္ဂနှင့်အတူ  ကမ္ဘာ့အဆင့်မြင့်စီးပွားရေး  ခုနစ်နိုင်ငံဖြစ်သော  ကနေဒါ၊ ပြင်သစ်၊  ဂျာမနီ၊  အီတလီ၊  ဂျပန်၊   ဗြိတိန်နှင့် အမေရိကန်တို့ပါဝင်သည့်     အလွတ်သဘောအဖွဲ့ ဖြစ်သည်။

ဆင်ဟွာ