ခါတွန် ဇွန် ၃၀
ဆူဒန်နိုင်ငံ အရှေ့မြောက်ပိုင်း၌ ရွှေတွင်းပြိုကျမှုဖြစ်ပွားသဖြင့် ၁၁ ဦးထက်မနည်း သေဆုံးပြီး ခုနစ်ဦး ဒဏ်ရာရရှိခဲ့ကြောင်း နိုင်ငံပိုင် သတ္တုအရင်းအမြစ်ကုမ္ပဏီ က ဇွန် ၂၉ ရက်တွင် ပြောကြား သည်။
အက်ဘာရာနှင့် ဟာယာမြို့တို့အကြား ဟွေအိဒ်ဒေသရှိ ကာရက်ရှ် အယ်-ဖီ သတ္တုတွင်း ပြိုကျမှု ဖြစ်ပွားခဲ့ခြင်းဖြစ်ကြောင်း ကုမ္ပဏီက ထုတ်ပြန်ချက်တွင် ပြောကြားသည်။
၎င်းသတ္တုတွင်းမှာ ဘေးအန္တရာယ်လုံခြုံရေးအတွက် ယခင်က ပိတ်သိမ်းရန် အမိန့်ပေးခဲ့ကြောင်း ယင်းကုမ္ပဏီက ဆက်လက်ပြောကြားသည်။
သတ္တုတွင်းလုပ်သား ၁ ဒသမ ၅ သန်းခန့်သည် ဆူဒန်နိုင်ငံ၏ ရွှေ ၈၀ ရာခိုင်နှုန်းခန့်ကို ထုတ်လုပ် ပြီး ၂၀၂၄ ခုနှစ်က ရွှေတန်ချိန် စုစုပေါင်း ၆၄ တန်ခန့် ထုတ်လုပ်နိုင်ခဲ့ကြောင်း တရားဝင်အချက် အလက်များအရ သိရသည်။
ဆင်ဟွာ
