တိုကျို  မတ်   ၁၉

ဂျပန်အစိုးရသည် စွမ်းဆောင်ရည်မြှင့်တင်ရန်နှင့် ဝန်ထမ်းများ၏ အချိန်ပိုနာရီများကို လျှော့ချရန်အတွက် ဉာဏ်ရည်တု(အေအိုင်)ကို အသုံးပြုရန် စီစဉ်နေကြောင်း ပြောကြားခဲ့သည်။

ဒုဝန်ကြီးများနှင့် ဝန်ကြီးဌာနများနှင့် ဌာနဆိုင်ရာများမှ တာဝန်ရှိသူများသည် မတ် ၁၉ ရက်တွင် တွေ့ဆုံခဲ့သည်။ ၎င်းတို့သည် အစိုးရဝန်ထမ်းများအတွက် ပိုမိုကောင်းမွန်သော လုပ်ငန်းခွင်-ဘဝ ဟန်ချက်ညီမှုကို မြှင့်တင်ရန် လမ်းညွှန်ချက်များကို   ပြန်လည်သုံးသပ်ခဲ့သည်။

လမ်းညွှန်ချက်အသစ်များတွင်   အေအိုင်အသုံးပြုမှုသည် စာရွက်စာတမ်းများ ဖန်တီးခြင်းနှင့်  အခြားအလုပ်များလုပ်ဆောင်ရာတွင် ပိုမိုထိရောက်မှုရှိအောင် ကူညီပေးမည်ဟု  မျှော်လင့်ထားကြောင်း ဖော်ပြထားသည်။

နမူနာဖော်ပြချက်တစ်ခုတွင် လွှတ်တော်ကော်မတီအစည်းအဝေးများ၌ အစိုးရအဖွဲ့ဝန်ကြီးများ၏  မေးခွန်းဖြေကြားချက်များကို   ပြင်ဆင်ရာတွင်  အထောက်အကူဖြစ်စေရန် အေအိုင်ကို အသုံးပြုနိုင်သည်ဟု   ဖော်ပြထားသည်။

အစိုးရဌာန အကြီးတန်းစီမံခန့်ခွဲရေးအရာရှိများသည် အိမ်မှ အလုပ်လုပ်ပြီး လက်အောက်ငယ်သားများအား အလားတူလုပ်ဆောင်ရန်   စံနမူနာပေးသင့်သည်ဟု လမ်းညွှန်ချက်တွင် ဖော်ပြထားသည်။

လမ်းညွှန်ချက်များတွင် ဝန်ထမ်းများအား အလုပ်ဆက်လက်လုပ်ကိုင်ရာတွင် သက်သောင့်သက်သာရှိစေရန်နှင့် အလုပ်လုပ်ခြင်းဖြင့် စိတ်ကျေနပ်မှုခံစားနိုင်စေရန် လိုအပ်ကြောင်း ဖော်ပြထားသည်။

အင်န်အိတ်ချ်ကေ