မန္တလေးတိုင်းဒေသကြီး သယံဇာတရေးရာဝန်ကြီး ဦးရွှေဇင်နှင့် တာဝန်ရှိသူများ စက်သုံးဆီအရောင်းဆိုင်များ သတ်မှတ်ချက်နှင့်အညီ ရောင်းချနိုင်ရေး ကြည့်ရှုစစ်ဆေး

မန္တလေး မတ် ၂၉

မန္တလေးတိုင်းဒေသကြီး သယံဇာတရေးရာဝန်ကြီး ဦးရွှေဇင်သည် ရေနံထွက်ပစ္စည်းများ ထိန်းသိမ်းကြီးကြပ်ရေး ဆပ်ကော်မတီ အဖွဲ့ဝင်များ၊ တာဝန်ရှိသူများနှင့်အတူ စက်သုံးဆီအရောင်းဆိုင်များ သတ်မှတ်ချက်နှင့်အညီ ရောင်းချခြင်း ရှိ/မရှိ ယနေ့နံနက်ပိုင်းတွင် မန္တလေးမြို့ပေါ်ရှိ စက်သုံးဆီအရောင်းဆိုင်များတွင် ကြည့်ရှုစစ်ဆေးသည်။

ဦးစွာ မန္တလေးတိုင်းဒေသကြီးသယံဇာတရေးရာဝန်ကြီးနှင့် တာဝန်ရှိသူများသည် မန္တလေးမြို့ပေါ်ရှိ စက်သုံးဆီအရောင်းဆိုင်များဖြစ်သည့် MEC ၊ Denko နှင့် BOC အရောင်းဆိုင်များတွင် ပြည်သူများ ဆီအလုံအလောက် ရရှိစေရေး၊ စက်သုံးဆီပုံမှန်ရောင်းချပေးနိုင်ရေး၊ PO(Purchase Order)များ အလုံအလောက်ရရှိစေရေး၊ မော်တော်ယာဉ်များအား စက်သုံးဆီ ချွေတာသုံးစွဲရေး၊ မလိုအပ်ဘဲ ဆီများသိုလှောင်းခြင်း မပြုလုပ်ရန်၊ ပြည်သူများကလည်း စနစ်တကျ တန်းစီရန်နှင့် စက်သုံးဆီတန်းစီမှု လျော့ကျစေရန်အတွက် Dispenser များ၊ QR Code ဖတ်သည့် ဝန်ထမ်းများထားရှိရန် စသည်တို့ကို မှာကြားကာ အလှူရှင်များ လှူဒါန်းသည့် သောက်ရေသန့်ဘူးများ ထားရှိပေးခဲ့ပြီး စက်သုံးဆီအရောင်းဆိုင်များ စနစ်တကျ ရောင်းချပေးနိုင်ရေးနှင့် စက်သုံးဆီတန်းစီမှု လျော့ကျစေရေး ကြပ်မတ်ကြည့်ရှု စစ်ဆေးလျက်ရှိကြောင်း သိရသည်။

အလင်းသစ်(ပြန်/ဆက်)