တောင်ငူ မေ ၄
ပဲခူးတိုင်းဒေသကြီး အစိုးရအဖွဲ့က ဦးဆောင်၍ တိုင်းဒေသကြီး အားကစားနှင့် ကာယပညာဦးစီးဌာနမှ ရက် (၁၀၀) စီမံချက်ဖြင့် ကြီးမှူးဖွင့်လှစ်သည့် Football for School Pilot Project Program ဘောလုံးသင်တန်းဖွင့်ပွဲ အခမ်းအနားကို ယနေ့မွန်းလွဲပိုင်းက တောင်ငူခရိုင် အားကစားကွင်း ၌ ကျင်းပသည်။
ထိုသို့ ကျင်းပရာတွင် တောင်ငူခရိုင် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးစောထွန်းဦးက သင်တန်းဖွင့်အမှာစကားပြောကြားပြီး မြို့နယ်ဘောလုံးအားကစား ဖွံ့ဖြိုးတိုးတက်ရေးအတွက် တိုင်းဒေသကြီး အားကစားနှင့် ကာယပညာဦးစီးဌာနမှ ဝတ်စုံ ၁၀၀၊ ဘောလုံး ၁၀ လုံး၊ အလှူရှင် ဦးပေါ်ဦးက ငွေကျပ် သိန်း ၂၀၊ PCEC ကိုယ်ပိုင်အလယ်တန်းကျောင်း၊ ပွင့်ဦးကိုယ်ပိုင်အထက်တန်း ကျောင်းနှင့် မဟာကိုယ်ပိုင်အထက်တန်းကျောင်းတို့က စုပေါင်း၍ ဘောလုံး ၂၅ လုံးကို ပေးအပ် လှူဒါန်းရာ တာဝန်ရှိသူများက လက်ခံရယူသည်။ အဆိုပါ သင်တန်းကို မေ ၄ ရက်မှ ၂၂ ရက်အထိ သင်ကြားပို့ချမည်ဖြစ်ပြီး ကျောင်းသား ကျောင်းသူ ၁၀၀ ခန့်အား နည်းပြ ၁၀ ဦးဖြင့် နေ့စဉ် ညနေ ၄ နာရီခွဲမှ ၅ နာရီခွဲအထိ သင်ကြားပေးလျက်ရှိကြောင်း သိရသည်။
ဇော်ကိုကို (တောင်ငူ)
