မော်စကို ဇွန် ၁၁

ရုရှားနိုင်ငံ မော်စကိုမြို့သို့  ၂၀၂၆ ခုနှစ် ပထမသုံးလပတ်တွင် ခရီးသွားခြောက်သန်းနီးပါး လာရောက်လည်ပတ်ခဲ့ပြီး ၎င်းတို့အနက် ၅၅၀၀၀၀ ကျော်မှာ နိုင်ငံတကာမှ လာရောက်လည်ပတ်သူများဖြစ်ကာ  ယခင်နှစ်ထက်  ငါးရာခိုင်နှုန်းတိုးလာကြောင်း  မော်စကိုမြို့တော် ခရီးသွားလုပ်ငန်းကော်မတီက ဇွန် ၁၁ ရက်တွင် ပြောကြားသည်။

လွတ်လပ်သော ဓနသဟာယနိုင်ငံများ (CIS) ပြင်ပမှ လာရောက်လည်ပတ်သူများမှာ  ၁၂  ရာခိုင်နှုန်း မြင့်တက်လာကြောင်း ကော်မတီ၏ ဝက်ဘ်ဆိုက်အရ သိရသည်။

ယခုနှစ် ပထမသုံးလပတ်တွင် မော်စကိုသို့ လာရောက်လည်ပတ်သော တရုတ်ခရီးသွားအရေအတွက်မှာ သုံးပုံတစ်ပုံမြင့်တက်လာကြောင်း   မော်စကို  ဒုတိယမြို့တော်ဝန် နာတာလီယာ ဆာဂူ နီနာက ပြောကြားသည်။

တရုတ်နိုင်ငံမှ လာရောက်လည်ပတ်သူဦးရေသည် နှစ်နိုင်ငံ ယဉ်ကျေးမှုဖလှယ်ရေးအစီအစဉ်များနှင့် ၂၀၂၅ ခုနှစ်တွင် စတင်ခဲ့သည့် အပြန်အလှန်ဗီဇာကင်းလွတ်ခွင့်စနစ်၏ တွန်းအားပေးခြင်းကြောင့် များပြားနေကြောင်း ၎င်းက ပြောကြားသည်။

မော်စကိုမြို့သည် ဖေဖော်ဝါရီ ၁၆ ရက်မှ မတ် ၁ ရက်အထိ တရုတ်နှစ်သစ်ကူးပွဲတော်များကို ကျင်းပခဲ့ကြောင်း ကော်မတီက ပြောကြားသည်။ ဒေသခံများနှင့် ခရီးသွားများသည်  တရုတ်အနုပညာရှင်များ၏ ဖျော်ဖြေမှုများကို ကြည့်ရှုခဲ့ကြပြီး အပြန်အလှန်အကျိုးပြု လှုပ်ရှားမှုများတွင် ပါဝင်ခဲ့ကြသည်။

မော်စကိုမြို့သည် ၂၀၂၅ ခုနှစ်တွင် နိုင်ငံခြားသား ၂ ဒသမ ၈ သန်း အပါအဝင် လာရောက်လည်ပတ်သူ  ၂၆  ဒသမ  ၅ သန်းရှိကြောင်း တရားဝင်အချက်အလက်များအရ သိရသည်။    

ကိုးကား - ဆင်ဟွာ

ဘာသာပြန် - စိုးသူရ