၆ မတ်
ခရိုအေးရှားနိုင်ငံရှိ မက်ဒီ ရေးဘဲလ် ခေတ်ကတံတိုင်းတွေနဲ့ ကာရံထားတဲ့ ဂျူဘရော့နစ်မြို့ဆီကို Game of Throne ဇာတ်လမ်းက ကျော်ကြားမှုနှင့် ကြွယ်ဝယ်မှုကို ယူဆောင်လာသလိုဖြစ်နေပါတယ်။ မြို့ကို လာရောက် လည်ပတ်သူများလွန်းတဲ့အတွက် ရှေးဟောင်းမြို့ကို ခရီးသွားတွေက ဖျက်ဆီးမှာကို မြို့ခံလူထုက စိုးရိမ် နေကြပါတယ်။
Game of Throne ဇာတ်လမ်းတွဲထဲက ဘုရင်ရဲ့ ထီးနန်းစိုက်ရာဖြစ်တဲ့မြို့ဖြစ်နေတဲ့အတွက် မြို့ကို လာရောက်ပတ်သူ များလွန်းလှပါတယ်။ ခရီးသွားလုပ်ငန်းဟာ တဟုန်ထိုး တိုးတက်လာပေမယ့် ဒီလူအုပ်ကို ဘယ်လိုဝန်ဆောင်မှုပေးရမယ်ဆိုတာ မသိလောက်အောင်ဖြစ်တယ်လို့ တိုးရစ်ဂိုက်တစ်ဦးက ပြောပါတယ်။
“မြို့လေးဟာ ပျားသလက်လိုပါ။ အဲဒီမြို့လေးကို လူ ၅၀ဝ၀ ကနေ ၇၀ဝ၀ အထိ စုံပြုံရောက်လာတော့ ခင်းထားတဲ့ ကျောက်တုံးတွေတောင် အရောင်လွင့်ကုန်တယ်”လို့ မြို့ခံတစ်ဦးက ပြောပါတယ်။
ဂျူဘရော့နစ် မြို့ဟာ ၇ နှစ်ရာစုနှစ်က အဆောက်အုံတွေ၊ ဘုရားကျောင်းတွေ နဲ့ ရေပန်းတွေရှိနေတဲ့အတွက် ယူနက်စကို (UNESCO) ရဲ့မှတ်တမ်းဝင်နေရာဖြစ်ပါတယ်။
Game of Throne ဇာတ်လမ်းတွဲအပြီး ၂၀၁၂-၂၀၁၅ ခုနှစ်အတွင်းမှာ ခရီးသွား နှစ်သိန်းလေးသောင်းကျော် လာရောက်လည်ပတ်ပြီး ရူရိုငွေ ၁၂၆ သန်းသုံးစွဲခဲ့ကြောင်း သိရပါတယ်။ အခုလို ခရီးသွားတွေ များလွန်တဲ့အတွက် တာဝန်ရှိသူတွေက ခရီးသွားသင်္ဘောတွေရဲ့ အချိန်ကို ကန့်သတ်ထားသလို လူအဝင်အထွက် လေ့လာစောင့်ကြည့်နေပါတယ်။
MDN
ကိုးကား - AFP
