လားရှိုး  ၃ ဇွန် 

ကမ္ဘာလုံးဆိုင်ရာ စက်ဘီးစီးနေ့အထိမ်းအမှတ် ဒုတိယအကြိမ်အား လားရှိုးမြို့၌ ဇွန်လ (၃)ရက် နံနက်(၅)နာရီခွဲက ကျင်းပြုလုပ်ခဲ့သည်။ 

လားရှိုးမြို့နယ် စည်ပင်သာယာရုံးရှေ့စုရပ်မှ စတင်ပြီး တက္ကသိုလ်လမ်း၊ ဘူတာလမ်း၊ လေယာဉ်ကွင်း လမ်းမကြီးအတိုင်း စီနင်းကြပြီး ပြည်ထောင်စုဘော်လုံးကွင်း၌ ပန်းဝင်ရပ်သတ်မှတ်လျက် စီးနင်းကြရာ ရှမ်းပြည်နယ်မြောက်ပိုင်း၊ လားရှိုးစက်ဘီးချစ်သူများအဖွဲ့၊ တွဲဖက်ပြည်နယ်အဆင့် ဌာနဆိုင်ရာများပါဝင်လျက် လူမှုကူညီရေးအသင်းများ၊ လားရှိုးယာဉ်မှထိန်းရဲတပ်ဖွဲ့တို့က ပါဝင်ကူညီပေးခဲ့ကြပြီး စုစုပေါင်းအင်အား ၁၀ဝ ခန့် ပါဝင်စီးနင်းခဲ့ကြသည်။

တိုက်ဂါးဘမ်း  တိုင်းရင်းဆေးဝါးကုမ္ပဏီက စက်ဘီးစီးနင်းသူများအတွက် T shirts အကျီများ၊ လိမ်းဆေးများကို ကူညီပံ့ပိုးပေးထားပြီး ကောက်ညင်းပေါင်းနှင့် အကြော်များကို လားရှိုးစက်ဘီးချစ်သူများအဖွဲ့ကလည်း ပါဝင်လှူဒါန်းဒါနပြုကြကြောင်း သိရသည်။

ဟန်ဌေး(လားရှိုး)