ဗြိတိန် တည်ခင်းဧည့်ခံပွဲသို့ သမ္မတ ထရန့်တက်ရောက်

၄ ဇွန်

ဗြိတိန်ဘုရင်မကြီး အဲလစ်ဇဘက် ၏ ဂုဏ်ပြုထမင်းစားပွဲသို့ အမေရိကန်သမ္မတ ဒေါ်နယ်ထရန့်တက်ရောက်ခဲ့သည်။

အဆိုပါ တည်ခင်းဧည့်ခံပွဲကိ်ု ဘာကင်ဟမ် နန်းတော်တွင် ယမန်နေ့ညနေက ကျင်းပခဲ့ခြင်းဖြစ်သည်။

ဒုတိယကမ္ဘာစစ်အတွင်းက နော်မယ်ဒီကမ်းတက်တိုက်ပွဲကို ပြန်လည်သတိရကာ အမေရိကန်နှင့် မဟာမိတ်စစ်သားများအပေါ် ဘုရင်မကြီးက ကျေးဇူးတင်စကား ပြောကြားကာ ကျေးဇူးကြွေး တင်ရှိခဲ့ သည် ဟု ဆိုသည်။

ထရန့်က အမေရိကန် - ဗြိတိန် နှစ်နိုင်ငံဆက်ဆံရေး ပိုမိုနက်ရှိုင်းရန် မျှော်လင့်ကြောင်း ထုတ်ဖော်ပြောကြားခဲ့သည်။

ထိုစားပွဲသို့ မင်းသားဝီလျံနှင့် ၎င်း၏ ဇနီး၊ ဝန်ကြီးချုပ် ထရီဇာမေ နှင့် ထရန့် ၏ သမီး Ivanka နှင့် သူမ၏ခင်ပွန်းတို့ တက်ရောက်ခဲ့ကြသည်။

ယင်းဂုဏ်ပြုစားပွဲမတိုင်မီ နေ့ခင်းပိုင်းက သမ္မတထရန့်၊ သူ၏အမျိုးသမီး Melania တို့သည် မင်းသား ချားလ်စ်၊ သူ၏အမျိုးသမီးတို့နှင့်အတူ လက်ဖက်ရည် သုံးဆောင်ခဲ့ကြသည်။

ထရန့်၏ ဗြိတိန်နိုင်ငံသို့ လာရောက်သည့်ခရီးစဉ်ကို ကန့်ကွက်ဆန္ဒပြရန် ဗြိတိန်နန်းတော် အပြင်ဘက်တွင် ရာချီရှိသော လူများစုဝေးခဲ့ကြသည်။

ကိုးကား - အန်အိတ်ချ်ကေ
ဘာသာပြန် - မြင့်မြင့်ချို