ပုလော ၇ ဇွန်
တနင်္သာရီတိုင်းဒေသကြီး၊ ပုလောမြို့နယ်၊ တောင်ယာကမ်းကျေးရွာအုပ်စု၊ ဖော့ကျေးရွာ၌ (၂၄)နာရီ လျှပ်စစ်မီးရရှိ၍ ဒေသခံမိဘပြည်သူများ ပျော်ရွှင်လျက်ရှိကြောင်း တွေ့ရသည်။
ဖော့ကျေးရွာသည် အိမ်ခြေ (၁၄၈)၊ လူဦးရေ ( ၁ဝ၅၉) ဦးရှိ၍ ပုလောမြို့နယ်မှ (၆) မိုင်ခန့် ကွာဝေးသည်။ ယခင်နှစ်က မြေသားလမ်းဖြစ်ပြီး၊ လျှပ်စစ်မီးမရရှိခြင်းတို့ကြောင့် ကျေးရွာနေပြည်သူများ အနေဖြင့် ပညာရေး၊ ကျန်းမာရေးနှင့် ထုတ်ကုန်ပို့ဆောင်ရေးအတွက်များစွာ အခက်အခဲများနှင့် ရင်ဆိုင်နေရသော်လည်း၊ ၂၀၁၈- ၂၀၁၉ ဘဏ္ဍာရေးနှစ်အတွက် တိုင်းဒေသကြီးအစိုးရအဖွဲ့ရန်ပုံငွေ (၁၆၁) သန်းဖြင့် သစ်လှတော-ဖော့ ကျေးရွာချင်းဆက် (ဝ/၆)မိုင် ကွန်ကရစ်လမ်းကိုလည်းကောင်း၊ ကျပ်သန်း(၁၂၃.၅)ဖြင့် စပူပြင်-သစ်လှတောကျေးရွာရှိ ပြည်ထောင်စု လမ်းမကြီးမှ ဗို့စ်အား (၁၁၀ဝ၀) လိုင်းဖြင့် (၂) မိုင်၊ (၁၀ဝ) KVA ထရန်စဖော်မာ (၁) လုံးဖြင့် (၄၀ဝ)ဗို့ ဓာတ်အားလိုင်း (၁.၂)မိုင်ကို ဆောင်ရွက်ပေးခဲ့ကြောင်း သိရှိရပြီး၊ ယခင်က ဖော့ကျေးရွာသည် ယခုဖော့သူဌေးရွာ ဖြစ်နေပြီဖြစ်ကြောင်း ဒေသခံပြည်သူများထံမှ ပီတိစကားသံကို ကြားသိခဲ့ရသည်။
(၂၄) နာရီ လျှပ်စစ်မီးစတင်အသုံးပြမည့် ဖော့ကျေးရွာမှ မိဘပြည်သူများ လျှပ်စစ်ပစ္စည်းကိုင်တွယ် သုံးစွဲရာတွင် လျှပ်စစ်အန္တရာယ်ကင်းဝေးစေရန် ဇွန်လ (၆) ရက်နေ့ ညနေ (၃) နာရီက ပုလောမြို့နယ် လျှပ်စစ်တာဝန်ခံ ဦးကိုကိုက အသိပညာပေးဟော ပြောခဲ့ပြီး၊ လျှပ်စစ်အန္တရာယ်အသိပညာပေး လက်ကမ်းစာစောင်များ အခမဲ့ဖြန့်ဝေပေးခဲ့ကြောင်း သိရသည်။
MDN
