သက်ငယ်မုဒိမ်းမှု ကင်းစင်ရေး၊ လူကုန်ကူးမှု တိုက်ဖျက်ရေးဆိုင်ရာ သိပညာပေးဟောပြောပွဲနှင့် စာဖတ်ရှိန်မြှင့်တင်ရေး နယ်လှည့်စာကြည့်တိုက် ကွင်းဆင်းဖွင့်လှစ်

ပြည် ၁၀ ဇူလိုင်

ပြည်ခရိုင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနမှ သက်ငယ်မုဒိမ်းမှုကင်းစင်ရေး၊ လူကုန်ကူးမှု တိုက်ဖျက်ရေးဆိုင်ရာ အသိပညာပေးဟောပြောပွဲ၊ အသိပညာပေးနံရံကပ် စာစောင်ပြပွဲနှင့် စာဖတ်ရှိန်မြှင့်တင်ရေး နယ်လှည့်စာကြည့်တိုက်ဖွင့်လှစ်ခြင်းကို ယနေ့နံနက်ပိုင်းက ပြည်မြို့(ပန်းဘဲတန်း)မူလတန်းလွန်ကျောင်းနှင့် နေ့လယ်ပိုင်းတွင်(ကိုးသောင်း) မူလတန်းလွန် ကျောင်းတို့၌ ကွင်းဆင်း ဆောင်ရွက်ခဲ့ကြောင်း သိရသည်။

ယင်းသို့ဆောင်ရွက်ရာတွင် ရှေးဦးစွာ ခရိုင်ပြန်/ဆက်မှ မြို့နယ်ဦးစီးမှူး ဒေါ်ငြိမ်းငြိမ်းသန့် က မြို့နယ်အတွင်း အခြေခံပညာကျောင်းများရှိ ကလေးများအား အထွေထွေဗဟုသုတများ ရရှိစေမည့် စာအုပ်စာစောင်များ ဖတ်ရှုလေ့လာနိုင်ရန် နယ်လှည့်စာကြည့်တိုက် ဖွင့်လှစ်၍ စာဖတ်ရှိန်မြှင့်တင်ရေး ကွင်းဆင်းဆောင်ရွက်ခြင်းဖြစ်ကြောင်း ပြောကြားပြီး ဆရာဆရာများနှင့် ကျောင်းကျောင်းသူများကို သက်ငယ်မုဒိမ်းမှုကင်းစင်ရေး၊ သဘာဝဘေးကြိုတင်ကာကွယ်ရေးနှင့် လူကုန်ကူးမှု တိုက်ဖျက်ရေး ဆိုင်ရာ အကြောင်းအရာများအား အသိပညာပေး ဆွေးနွေးဟောပြောသည်။

ယင်းနောက် ခရိုင်ပြန်/ဆက် ဝန်ထမ်းများက ကလေးများအား ရုပ်ပုံစာအုပ်၊ စက္ကူပြဇာတ်နှင့် ဘုတ်ပြားပြဇာတ် စသည့်ပုံပြောနည်းသုံးမျိုးတို့ဖြင့် စိတ်ဝင်စားဖွယ် ပုံပြင်များပြောပြပြီး ကလေးများနှင့်အတူ ကဗျာရွတ်ဆို၍ ကိုယ်လက်လှုပ်ရှားမှုများ ပြုလုပ်ခဲ့ကြသည်။

ထို့နောက် ကလေးများက နယ်လှည့်စာကြည့်တိုက်မှ စာအုပ်စာစောင်များကို ဖတ်ရှုလေ့လာခဲ့ကြပြီး ခင်းကျင်းပြသထားသော သဘာဝဘေး အန္တရာယ်ကာကွယ်ရေး ဆိုင်ရာများ၊ သွေးလွန်တုပ်ကွေးရောဂါဆိုင်ရာ ဆောင်ရန်/ ရှောင်ရန်များ၊ လူကုန်ကူးမှု တိုက်ဖျက်ရေးဆိုင်ရာ အသိပညာပေး နံရံကပ်စာစောင်များကို စိတ်ဝင်တစား လေ့လာကြည့်ရှုကြသည်။ ခရိုင်ပြန်/ဆက်မှ အဆိုပါ ကျောင်းနှစ်ကျောင်းအတွက် ကလေးများ ဖတ်ရှုလေ့လာနိုင်ရန် စာအုပ်စာစောင်(၁၁၃)အုပ်စီ ငှားရမ်းပေးခဲ့ကြောင်း သိရသည်။

မျိုးကျော်ကြီး(ပြန်/ဆက်)