ရန်ကုန် ၁၈ ဇူလိုင်
ရန်ကုန်အနောက်ပိုင်းခရိုင် လမ်းမတော်မြို့နယ်တွင် မြို့နယ်လူဦးရေစာရင်းကောက်ယူရေး လုပ်ငန်းအဖွဲ့က ကြီးမှူးကျင်းပသော လူဦးရေစာရင်း ကောက်ယူခြင်းနှင့် မဲဆန္ဒရှင် စာရင်းပြုစုခြင်းဆိုင်ရာ ဆင့်ပွားသင်တန်းကို ယနေ့ နံနက် ၁၀ နာရီတွင် လမ်းမတော်မြို့နယ် အ.လ.က (၁) မြမာလာခန်းမ၌ ကျင်းပပြုလုပ်သည်။
အခမ်းအနားတွင် မြို့နယ် လူဦးရေစာရင်းကောက်ယူရေး လုပ်ငန်းအဖွဲ့ ဥက္ကဋ္ဌ မြို့နယ် အုပ်ချုပ်ရေးမှူး ဦးဝဏ္ဍထွန်းက နိုင်ငံသားတိုင်း မဲစာရင်းတွင်ပါဝင်ခြင်းဖြင့် မိမိတို့၏ နိုင်ငံသားအခွင့်အရေး မဆုံးရှုံးစေရန် မဲဆန္ဒရှင်စာရင်း တိကျမှန်ကန်စေရန် ရည်ရွယ်၍ သင်တန်းပေးရခြင်းဖြစ်ကြောင်း၊ သတ်မှတ်ပုံစံများဖြင့် သတ်မှတ်ကာလအတွင်း မှန်ကန်တိကျသော အချက်အလက်များ ရရှိရေး ကြိုးပမ်းဆောင်ရွက်ကြရန် ရှင်းလင်းပြောကြားသည်။
ဆက်လက်၍ သင်တန်းကို ဒုတိယမြို့နယ်အုပ်ချုပ်ရေးမှူး ဦးမိုးထွန်းဝင်းက လူဦးရေစာရင်းနှင့် အချက်အလက်များ ကောက်ယူပြုစုခြင်းဆိုင်ရာ လုပ်ငန်းများအကြောင်းကိုလည်းကောင်း မြို့နယ် လဝကဦးစီးမှူး ဦးကြည်ဝင်းနိုင်က အိမ်ထောင်စုစာရင်းနှင့် နိုင်ငံသားစိစစ်ရေးလုပ်ငန်း အကြောင်းကိုလည်းကောင်း မြို့နယ်ရွေးကောက်ပွဲကော်မရှင် ဦးစီးအရာရှိ ဒေါ်ဆွေဆွေထွန်းက မဲစာရင်းပြုစုခြင်းဆိုင်ရာ လုပ်ငန်းအကြောင်းကိုလည်းကောင်း အသီးသီးရှင်းလင်းဆွေးနွေးရာ တက်ရောက်လာသူများနှင့် သင်တန်းသား/သင်တန်းသူများက သိလိုသည်များကို မေးမြန်းဆွေးနွေးကြသည်။
အဆိုပါသင်တန်းသို့ လမ်းမတော်မြို့နယ်ရှိ ရပ်ကွက်များမှ သင်တန်းသား/သင်တန်းသူ (၁၂၀) ဦး တက်ရောက်ခဲ့ကြောင်း သိရသည်။
ကျော်ဆန်းမြင့်(ပြန်/ဆက်)
