ပန်းတနော် ၁၉ ဇူလိုင်
ဧရာဝတီတိုင်းဒေသကြီး၊ ပန်းတနော်မြို့နယ်တွင် (၇၂) နှစ်မြောက် အာဇာနည်နေ့ အခမ်းအနားကို ပန်းတနော်မြို့ ပန်းရွှေဝါပန်းခြံ ဗိုလ်ချုပ်ကြေးရုပ်ထုရှေ့၌ ယနေ့ နံနက် ၁၀ နာရီက ကျင်းပခဲ့သည်။
အခမ်းအနားသို့ တိုင်းဒေသကြီးလွှတ်တော်ကိုယ်စာလှယ်များ၊ မြို့နယ်အုပ်ချုပ်ရေးမှူး၊ ဌာနဆိုင်ရာ အကြီးအကဲများ၊ လူမှုရေးအသင်းအဖွဲ့များ၊ မြို့နယ်အတွင်းရှိ မိဘပြည်သူများနှင့် ကျောင်းသား၊ ကျောင်းသူများ တက်ရောက်ခဲ့ကြသည်။
ယင်းနောက် ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ ကျဆုံးချိန်ဖြစ်သည့် နံနက် ၁၀ နာရီ ၃၇ မိနစ်တွင် အလေးပြု၍ ဝမ်းနည်းခြင်းအထိမ်းအမှတ်အဖြစ် နှစ်မိနစ်ငြိမ်သက်ကာ ဂါဝရပြုကြသည်။
ထို့နောက် ပြန်/ဆက် ဦးစီးဌာနမှ မြို့နယ်ဦးစီးမှူး နှင့်ဝန်ထမ်းများက အာဇာနည်နေ့ လက်ကမ်းစာစောင်များကို ဖြန့်ဝေပေးခဲ့ကြောင်း သိရသည်။
ပြည့်ဖြိုးကျော်(ပန်းတနော်)
