ဗန်းမော် ၁၀ စက်တင်ဘာ
ကချင်ပြည်နယ် ဗန်းမော်မြို့တွင် မြောက်ပိုင်းတိုင်းစစ်ဌာနချုပ်၊ ဗန်းမော်တပ်နယ်အဖွဲ့မှ ဝန်ထမ်းနှင့် ဒေသခံပြည်သူများအတွက် တန်ဖိုးသင့် ဟင်းသီးဟင်းရွက်များကို ယနေ့မွန်းလွဲပိုင်းက ဗန်းမော်မြို့ပေါ်၌ လှည့်လည်ရောင်းချပေးခဲ့ကြောင်း သိရသည်။
ထိုသို့လှည့်လည်ရောင်းချပေးရာတွင် ဗန်းမော်တပ်နယ်မှ တပ်ရင်းတပ်ဖွဲ့များက တပ်မတော်သားမိသားစုများ၏ တစ်ပိုင်တစ်နိုင် စိုက်ပျိုးမွေးမြူရေးခြံများမှ ထွက်ရှိသည့် ဟင်းသီးဟင်းရွက်၊ ကြက်ဥ၊ အသားနှင့် နွားနို့များကို စက်တင်ဘာ ၁ဝ ရက် မွန်းလွဲ ၁ နာရီမှ စတင်၍ အမှတ်(၄) အခြေခံပညာ အထက်တန်းကျောင်းနှင့် အမှတ်(၃) အခြေခံပညာ အထက်တန်းကျောင်းရှေ့တို့တွင် လည်းကောင်း၊ ဗန်းမော်မြို့ပေါ်၌ လည်းကောင်း ဈေးနှုန်းသက်သာစွာဖြင့် လှည့်လည်ရောင်းချပေးကြောင်း၊ ဝက်သားတစ်ပိဿာလျှင် (၆၅ဝဝ)ကျပ်နှုန်း၊ ကြက်သားတစ်ပိဿာလျှင် (၄ဝဝဝ)ကျပ်နှုန်း၊ ကြက်ဥတစ်လုံး (၁ဝဝ)ကျပ်နှုန်းနှင့် ဟင်းသီးဟင်းရွက်များကို တစ်စည်း(၁ဝဝ)ကျပ်နှုန်းဖြင့် ရောင်းချပေးကြောင်း သိရသည်။
ခရိုင်(ပြန်/ဆက်)
