ဘုတ်ပြင်း ၂၂ စက်တင်ဘာ

တနင်္သာရီတိုင်းဒေသကြီး ကော့သောင်းခရိုင် ဘုတ်ပြင်းမြို့နယ်တွင် အရှေ့တိုင်းပုလဲကုမ္ပဏီနှင့် Lesswalk Organization အဖွဲ့တို့ပူးပေါင်း၍ ၂၀၁၉-၂၀၂၀ ပညာသင်နှစ် အခြေခံပညာကျောင်းများသို့ စက်ဘီအစီး (၄၀) ပေးအပ်ပွဲအခမ်းအနားကို ယနေ့ နံနက် ၉ နာရီခွဲက မြို့နယ်အထွေထွေ အုပ်ချုပ်ရေးဦးစီးဌာန သပြေခန်းမတွင် ပြုလုပ်သည်။

အခမ်းအနားတွင် မြို့နယ်အုပ်ချုပ်ရေးမှူး ဦးတင်မျိုးအောင်က အဖွင့်အမှာစကား ပြောကြားပြီး အရှေ့တိုင်းပုလဲကုမ္ပဏီနှင့် Lesswalk Organization  အဖွဲ့မှ ဦးရဲရင့်အောင်က စက်းဘီးများအား တိုင်းဒေသကြီး လွှတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးနှင့် ဒုတိယမြို့နယ်ပညာရေးမှူးထံသို့ ပေးအပ်သည်။

ဆက်လက်၍ တိုင်းဒေသကြီး လွှတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးနှင့် ဒုတိယမြို့နယ်ပညာရေးမှူးတို့က သက်ဆိုင်ရာ ကျောင်းအုပ်ကြီးများနှင့် ကျောင်းသား​ကျောင်းသူများထံသို့ စက်ဘီးများအား ထပ်ဆင့်ပေးအပ်ခဲ့ကြောင်း သိရသည်။

မြို့နယ်(ပြန်/ဆက်)