မိုင်းယန်း အောက်တိုဘာ ၇

ရှမ်းပြည်နယ်အရှေ့ပိုင်း၊ကျိုင်းတုံခရိုင်၊မိုင်းယန်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှပြည်သူများအား အသိပညာဗဟုသုတကို ဖြန့်ဝေပေးလျှက်ရှိရာ ယနေ့နံနက် ၉ နာရီတွင်Community Centre အခန်း၌Women Club အသင်းမှ စာရေးဆရာဖေမြင့်၏ "စဉ်းစားခြင်း"ဆိုင်ရာ စာအုပ်အားစာဖတ်ဝိုင်းဆွေးနွေးပွဲကို ပြုလုပ်ခဲ့သည်။

ရှေးဦးစွာ စာဖတ်ဝိုင်းဆွေးနွေးပွဲတွင်မြို့နယ်ပြန်/ဆက်ဦးစီးမှူး ဦးစိုင်းမြတ်ကျော်စိုးက စာဖတ်ဝိုင်း ပြုလုပ်ရခြင်း၏ ရည်ရွယ်ချက်ကိုရှင်းလင်းပြောကြားပြီးစာရေးဆရာဖေမြင့်၏ "စဉ်းစားခြင်း ဆိုတာဘာလဲ" ခေါင်းစဉ်ဖြင့် ဦးဆောင်ဆွေးနွေးခဲ့သည်။

ဆက်လက်၍ Women Club အသင်းမှဒေါ်အေးသန့်ခိုင်က စဉ်းစားခြင်း၊ တွေးခေါ်ခြင်းဆိုင်ရာ အကြောင်းအရာများမှ "ကျွန်တော်ကပြတ်သားတယ်၊ ခင်ဗျားကခေါင်းမာတယ်" ခေါင်းစဉ်ဖြင့် လည်းကောင်း၊ ဒေါ်သန္တာဝင်းက" ဘယ်သူကတရားပိုရှိသလဲ" ကိုလည်းကောင်း၊ ဦးကျော်သူရက "အသက်ဘေးမှလွတ်မြောက်အောင်ရုန်းထွက်ခြင်း"ကို လည်းကောင်း၊ ဒေါ်ခိုင်နွယ်အေးက "သူ့အသက်သူပိုင်သလား၊မပိုင်ဘူးလား"ကို လည်းကောင်း၊ သက်ရောက်မှု ပြင်းသောစကားလုံးများ၊ ပြဿနာကို အမည်နာမတပ်ခြင်း(သို့) တိကျစွာပုံဖော်ကြည့်ခြင်း၊ ပရိုတာဂေါရတ်(စ)နှင့် သူ့တပည့်အစရှိသောတွေးခေါ်စဉ်းစားခြင်းဆိုင်ရာခေါင်းစဉ်အချို့ကိုWomen Club အသင်းဝင်များမှ ဖတ်ကြားကာ အပြန်အလှန်ဆွေးနွေးခဲ့ကြသည်။

အဆိုပါ စာဖတ်ဝိုင်းဆွေးနွေးပွဲသို့Women Club အသင်းမှအင်အား ၁၅ ဦးတက်ရောက်ပြီးနံနက်၁၁ နာရီအထိ စာဖတ်ဝိုင်းအား သုံးသပ်ဆွေးနွေးခဲ့ကြောင်း သိရသည်။

မြို့နယ်ပြန်/ဆက်