မိုးညှင်း ၉     အောက်တိုဘာ

ကချင်ပြည်နယ်၊ မိုးညှင်းခရိုင်၊ မိုးညှင်းမြို့နယ် သစ်တောဦးစီးဌာနမှ ၂၀၁၉ခုနှစ်၊ဒေသခံပြည် သူအစုအဖွဲ့ပိုင်သစ်တောဧရိယာဧက ၁၄၄၀အားလုပ်ပိုင်ခွင့်ပြုလက်မှတ်များပေးအပ်ပွဲအခမ်းအ နားကို ယနေ့နံနက် (၁၀)နာရီ ခွဲအချိန်တွင် အုတ်ကျင်းရပ်ကွက်ရှိ ရှမ်းစာပေနှင့်ယဉ်ကျေး မှုရုံးခန်း မ၌ကျင်းပသည်။

အခမ်းအနားတွင် မိုးညှင်းခရိုင် သစ်တောဦးစီးဌာနမှလက်ထောက်ညွှန်ကြားရေးမှူး ဦးနိုင်နိုင်ထွန်းက ဒေသခံပြည်သူအစုအဖွဲ့ပိုင် သစ်တောတည်ထောင်ခြင်းနှင့်ပတ်သက်၍ ရှင်းလင်းပြောကြားပြီး မြို့နယ်အတွင်းရှိ ကျေးရွာ(၇)ရွာရှိ အသုံးပြုမည့်အစု အဖွဲ့(၇)ဖွဲ့၊ အိမ်ထောင်စုပေါင်း(၂၈၉)စု၊ မိသားစုဝင်ဦးရေ ၁၅၈၅ဦး၊  တည်ထောင်ခွင့်ပြုဧရိယာဧက ၁၄၄၀ ဧကအတွက်  လုပ်ပိုင်ခွင့်ပြုလက် မှတ်များကို လက်ထောက်ညွှန်ကြားရေးမှူးနှင့် တာဝန်ရှိသူများက ပေးအပ်ခဲ့ကြသည်။

မြို့နယ်သစ်တောဦးစီးဌာနမှ ဒေသခံပြည်သူအစုအဖွဲ့ပိုင် သစ်တောဆောင်ရွက်ခွင့်ပြု လက်မှတ်များကို ၂၀၁၀ခုနှစ်မှစတင်၍ ဒေသခံများအား လုပ်ပိုင်ခွင့်ပြုလက်မှတ်များ စတင်ပေးအပ်ခဲ့ရာ ယနေ့အထိ အစုအဖွဲ့(၄၆)ဖွဲ့၊အသင်းဝင်ဦးရေ ၂၀၇၉ဦး၊ ဧရိယာဧက ၁၃၈၈၄ဒသမ ၃၈ဧကအား လုပ်ပိုင်ခွင့်ပြုလက်မှတ်များထုတ်ပေးနိုင်ခဲ့ပြီးဖြစ်ကြောင်း မြို့နယ် သစ်တောဦးစီးဌာနမှ သိရသည်။

ကျော်ကျော်ထွေး(မိုးညှင်း)