ထန်တပင် ၁၅ အောက်တိုဘာ
ရန်ကုန်မြောက်ပိုင်းခရိုင်၊ ထန်းတပင်မြို့နယ်တွင် သီတင်းကျွတ်ကာလ ဆွမ်းဆန်စိမ်း လောင်းလှူပွဲကို (သီတင်းကျွတ်လပြည့်ကျော် (၂)ရက်နေ့) အောက်တိုဘာ ၁၅ ရက် မွန်းလွဲ ၃ နာရီက အမှတ်(၄)ရပ်ကွက်ရှိ ဓမ္မာရုံမှ စတင်ကြွချီ၍ ဆွမ်းဆန်စိမ်းအလှူတော်ခံယူခဲ့ကြသည်။
အဆိုပါ ဆွမ်းဆန်စိမ်လောင်းလှူပွဲကို နှစ်စဉ်သီတင်းကျွတ်ကာလရောက်တိုင်း ကျင်းပပြုလုပ်ခြင်းဖြစ်ပြီး ဗုဒ္ဓရုပ်ပွားတော်မြတ်များနှင့် ထန်းတပင်မြို့ပေါ်ရပ်ကွက်အတွင်းရှိ ဘုန်းတော်ကြီးကျောင်းတိုက် (၈)ကျောင်းတို့တွင် သီတင်းသုံးနေထိုင်တော်မူကြသော သံဃာတော် အရှင်သူမြတ်များနှင့် သာမဏေများ စုစုပေါင်းအပါး (၁ဝဝ)တို့က အမှတ်(၃)ရပ်ကွက်နှင့် အမှတ်(၄)ရပ်ကွက်အတွင်းရှိ ဦးစံအေးလမ်းနှင့် ဦးမောင်သင်လမ်းတစ်လျှောက် ကြွချီအလှူတော်ခံယူတော်မူကာ ရပ်ကွက်နေ စေတနာရှင် ဒါယကာ၊ ဒါယိကာမအပေါင်းတို့က ကုသိုလ်ယူ လောင်းလှူပူဇော်ခဲ့ကြသည်။
ဇင်မင်းထိုက်(ပြန်/ဆက်)
