ရန်ကုန် ၂၀ အောက်တိုဘာ
ရန်ကုန်တိုင်းဒေသကြီး ဗဟန်းမြို့နယ် စစ်မှုထမ်းဟောင်းအဖွဲ့၏ ၂၀၁၈-၂၀၁၉ ဘဏ္ဍာရေးနှစ်၊ နှစ်ပတ်လည်အစည်းအဝေးကို ယနေ့နံနက် ၉ နာရီခွဲက ဗဟန်းမြို့နယ် ကျောက်ဆည်ဓမ္မာရုံတွင် ကျင်းပရာ သဘာပတိ ဗဟန်းမြို့နယ် စစ်မှုထမ်းဟောင်းအဖွဲ့ဥက္ကဋ္ဌ ဗိုလ်မှူးကြီး မြင့်သိန်းခိုင် (ငြိမ်း)က အဖွင့်အမှာစကားပြောကြားပြီး မြို့နယ်စစ်မှုထမ်းဟောင်းအဖွဲ့ အတွင်းရေးမှူး ဒုတိယဗိုလ်မှူးကြီး ဝင်းနိုင်(ငြိမ်း)က မြို့နယ်စစ်မှုထမ်းဟောင်းအဖွဲ့၏ နှစ်ပတ်လည်အစီရင်ခံစာကို ဖတ်ကြားရှင်းလင်းပြောကြားခြင်းနှင့် ဘဏ္ဍာရေးမှူး ဗိုလ်မှူး လှဦး (ငြိမ်း)က ဘဏ္ဍာရေးရှင်းတမ်းများ ရှင်းလင်းဖတ်ကြားခဲ့သည်။
အစည်းအဝေးအပြီးတွင် စစ်မှုထမ်းဟောင်းအဖွဲ့ဝင် (၇၅)နှစ်နှင့်အထက် ၃၇ ဦး၊ မသန်စွမ်းစစ်သည် ၂၀ ဦး၊ တက္ကသိုလ်ဝင်တန်းစာမေးပွဲတွင် ဂုဏ်ထူးဖြင့် အောင်မြင်ခဲ့ကြသော စစ်မှုထမ်းဟောင်းအဖွဲ့များ၏ သားသမီး ၅ ဦး၊ ရိုးရိုးအောင် ၄ ဦး၊ ပေါင်း ၉ ဦးနှင့် အစည်းအဝေးသို့ တက်ရောက်လာသော စစ်မှုထမ်းဟောင်းအဖွဲ့ဝင် ၁၅၉ ဦးတို့အား ထောက်ပံ့ငွေကျပ် ၃၈၄၀ဝ၀ဝ နှင့် ဆုတံဆိပ်များ ချီးမြှင့်ခဲ့ကြောင်း သိရှိရသည်။
အေးသန်း(စိန်တုံးကြီး)
