ရန်ကုန် ၂၃ အောက်တိုဘာ
ရန်ကုန်မြောက်ပိုင်းခရိုင်၊ အင်းစိန်မြို့နယ်၌ ပြည်သူများ သွားရေးလာရေး အဆင်ပြေစေရန်၊ ခြင်များပေါက်ဖွားမှု မရှိစေရန်နှင့် ရေမြောင်းပိတ်ဆို့မှု မရှိစေရန် ရည်ရွယ်၍ အင်းစိန်ဈေးဘေး ရေမြောင်း ရှင်းလင်းဆောင်ရွက်ခြင်းကို အောက်တိုဘာ ၂၂ ရက် နံနက် ၁၀ နာရီက ဆောင်ရွက်ခဲ့သည်။
ဆောင်ရွက်ရာတွင် အင်းစိန်မြို့နယ် စည်ပင်သာယာရေးကော်မတီ ဉက္ကဋ္ဌ ဦးသိန်းသန်း၊ အဖွဲ့ဝင်(၁) ဦးလှိုင်မင်း၊ အဖွဲ့ဝင်(၂) ဦးစိုးလွင်တို့သည် မြို့နယ်အတွင်း စည်ပင်သာယာရေးလုပ်ငန်းများကို ဆောင်ရွက်လျက်ရှိရာ ယခု အင်းစိန်ဈေးဘေး ရေမြောင်းရှင်းလင်းခြင်းနှင့် ပိန္နဲကုန်း ရွာသစ်(၃)လမ်း အုတ်စီရေမြောင်း ဆောင်ရွက်နိုင်ရန် အကြိုတိုင်းတာခြင်းတို့ကို ဆောင်ရွက်ခဲ့ကြကြောင်း သိရသည်။
ဇွဲထက်ကို(ပြန်/ဆက်)
