ချောင်းဦး ၁ အောက်တိုဘာ

စစ်ကိုင်းတိုင်းဒေသကြီး ၊ မုံရွာခရိုင်၊ ချောင်းဦးမြို့၌ ဒဿမအကြိမ်မြောက် မီးပုံးပျံပွဲတော်ကို တန်ဆောင်မုန်း လဆန်း ၁၃ ရက်မှ ၁၅ ရက်ထိ (၃)ညတိုင်တိုင် စည်ကားသိုက်မြိုက်စွာ ကျင်းပမည် ဖြစ်ကြောင်း သိရသည်။

ချောင်းဦးမြို့၏ မီးပုံးပျံပွဲတော်ကို နောင်လာနောက်သားလူငယ်များ သိရှိစေရန် ရည်ရွယ်၍ ၁၃၇၂-ခုနှစ်၊ တန်ဆောင်မုန်းလမှ စတင်ကျင်းပခဲ့ရာ ယခုနှစ်တွင် ဒဿမအကြိမ်မြောက် ကျင်းပမည် ဖြစ်သည်။

အဆိုပါပွဲတော်တွင် မီးပုံးပျံအလှများဖြင့် လွှတ်တင်ခြင်း ၊  နိဗ္ဗာဈေးဖြင့် ကျွေးမွေး ဧည့်ခံခြင်းများအပြင် ချောင်းဦးမြို့ CHU Music  Band   တေးဂီတအဖွဲ့မှ ဧည့်ခံဖျော်ဖြေခြင်း၊ ပန်းဘုရင်မလေး တေးသရုပ်ဖော် ပဒေသာကပွဲဖြင့် ဖျော်ဖြေခြင်းများ ၊ အပျော်စီးလှေ၊ လေနန်းတော်နှင့် ချားရဟတ် စသည့် ပျော်ပွဲရွှင်ပွဲများ ပါ၀င်မှာ ဖြစ်ကြောင်း ၊ မီးပုံးပျံကျင်းပရေးကော်မတီ ဥက္ကဌ ဦးသိန်းတင်မှ ပြောပြသည်။

ချောင်းဦးမြို့တွင် တန်တောင်မုန်းလဆန်း (၁၃)ရက်မှ (၁၅)ရက်ထိ (၃)ညတိုင်တိုင် မီးပုံးပျံ အရေအတွက် (၁၃)လုံးခန့် က မီးပုံးပျံအလှ လွှတ်တင်ကြမည် ဖြစ်ကြောင်း သတင်းရရှိသည်။

အိအိအောင် (ချောင်းဦး)