ဆော ၅ နိုဝင်ဘာ
မကွေးတိုင်းဒေသကြီး၊ ဂန့်ဂေါခရိုင်၊ ဆောမြို့နယ် မြန်မာနိုင်ငံရဲတပ်ဖွဲ့မှ မြို့နယ်အတွင်း မှုခင်းလျော့နည်း ကျဆင်းရေးတို့အတွက် မှုခင်းကြိုတင်ကာကွယ်ရေးမဟာဗျူဟာနှင့်အညီ ပညာပေး လုပ်ငန်းများကို ဆောင်ရွက်လျက်ရှိရာ ယမန်နေ့ မွန်းလွဲ ၂ နာရီခွဲက ဆောမြို့နယ် သလယ်ကျေးရွာ အုပ်ချုပ်ရေးမှူးရုံး၌ မှုခင်းကျဆင်းရေး အသိပညာပေးဟောပြောပွဲ ကျင်းပ ပြုလုပ်သည်။
အဆိုပါ ဟောပြောပွဲ၌ မြို့နယ်ရဲတပ်ဖွဲ့မှူး ရဲမှူးဝင်းနိုင် ဦးစီးသည့်တပ်ဖွဲ့ဝင်များက ကျေးရွာနေ ပြည်သူများအား မှုခင်းကျဆင်းရေး၊ သက်ငယ်မုဒိမ်းမှု မဖြစ်ပွားရေးနှင့် ပတ်သက်၍ မိဘအုပ်ထိန်းသူများ သိသင့်သိထိုက်သည့် အချက်များ၊ မူးယစ်ဆေးဝါး အန္တရာယ်တားဆီး ကာကွယ်ရေး၊ ယာဉ်အန္တရာယ် ကင်းရှင်းရေးအတွက် ယာဉ်စည်းကမ်း၊ လမ်းစည်းကမ်းဆိုင်ရာ အချက်များအား အသိပညာပေး ဟောပြောခဲ့ကြောင်း သိရသည်။
ဇော်မျိုးသန့်(ပြန်/ဆက်)
