ပြင်ဦးလွင် ၁၆ နိုဝင်ဘာ
ပြင်ဦးလွင်မြို့ရှိ ဒီဇင်ဘာခြံတွင် ပန်းအလှဆင်ပွဲတော်ကို ဒီဇင်ဘာလ ၁၈ ရက်မှ ဇန်နဝါရီလ ၁၈ ရက်အထိ ကျင်းပသွားမည်ဖြစ်သည်။
ဒီဇင်ဘာအပန်းဖြေခြံသည် ပြင်ဦးလွင်မြို့အထွက် မန္တလေး-လားရှိုးလမ်းမပေါ်တွင် တည်ရှိသည်။
"လာရောက်တဲ့ဧည့်သည်တွေ စိတ်ချမ်းသာစေဖို့၊ နောက်ပြီး ဒီဇင်ဘာလအမှတ်တရ အနေနဲ့ ပြုလုပ်တာဖြစ်ပါတယ်။ အခြေခံ ခရီးသွားလုပ်ငန်း ဖွံ့ဖြိုးတိုးတက်စေဖို့၊ အပမ်းဖြေစရာနေရာတွေ ရွေးချယ်နိုင်စေဖို့ ဒီဇင်ဘာခြံဖွင့်ပွဲနဲ့ ပန်းအလှဆင်ပွဲတော်ကို ကျင်းပတာဖြစ်ပါတယ်"ဟု ဒီဇင်ဘာခြံ တည်ထောင်သူ ဦးစံလှကပြောသည်။
ပန်းအလှဆင်ပွဲတော်တွင် ပန်းအစစ်များဖြင့် ပန်းရေတံခွန်၊ ပန်းတံတား၊ ပန်းတံတိုင်း စသဖြင့် ပုံဖော်သွားမည်ဖြစ်ပြီး အပင်ရေ လေးသိန်းခန့်ဖြင့် ပုံဖော်မည်ဖြစ်ကြောင်း သိရသည်။
ခြံအကျယ်အဝန်းမှာ ၁၃၈ ဧကရှိပြီး ရေတံခွန်၊ စမ်းချောင်းတွင်လှေစီးနိုင်ခြင်းများ ပြုလုပ်နိုင်ကြောင်း သိရသည်။
ဒီဇင်ဘာအပန်းဖြေ ဥယျာဉ်ဝင်ကြေးမှာ လူတစ်ဦးကို ၁၀ဝ၀ ကျပ်ဖြစ်ကြောင်း သိရသည်။
ဝိုင်
