အမျိုးသားအဆင့် ရေကောင်းရေသန့်ရရှိရေး၊ ပတ်ဝန်းကျင်သန့်ရှင်းရေးနှင့် တစ်ကိုယ်ရည်သန့်ရှင်းရေး လှုပ်ရှားမှုအခမ်းအနားကျင်းပ

နေပြည်တော် ၁၂ ဒီဇင်ဘာ

အမျိုးသားအဆင့် ရေကောင်းရေသန့်ရရှိရေး၊ ပတ်ဝန်းကျင်သန့်ရှင်းရေးနှင့် တစ်ကိုယ်ရည်သန့်ရှင်းရေးလှုပ်ရှားမှု အခမ်းအနားကို ယနေ့မွန်းလွဲပိုင်းတွင် နေပြည်တော်ရှိ ကျန်းမာရေးနှင့် အားကစားဝန်ကြီးဌာန အစည်းအဝေးခန်းမ၌ ကျင်းပသည်။

အခမ်းအနားတွင် ကျန်းမာရေးနှင့် အားကစားဝန်ကြီးဌာနမှ ညွှန်ကြားရေးမှူးချုပ် ဒေါက်တာသာထွန်းကျော်နှင့် UNICEF မှ Mr. Pokhel Bishxnu တို့က အမှာစကား ပြောကြားကြသည်။

ယနေ့အခမ်းအနားသည် Sustainable Development Goal ၏ Goal (6) အရ မြန်မာနိုင်ငံသည် ကုလသမဂ္ဂအဖွဲ့ဝင် နိုင်ငံဖြစ်သည့်အတွက် WASH လုပ်ငန်းကို ၂၀၃၀ ခုနှစ်မတိုင်မီ ပြည့်မီအောင် ဖြည့်ဆည်းဆောင်ရွက် ပေးနိုင်ရေးအတွက် အရှိမ်အဟုန်မြှင့် တွန်းအားပေးနိုင်ရန် ပြုလုပ်ခြင်းဖြစ်သည်။

သန့်ဇော်