ရွှေသောင်ယံ ၁၃ ဒီဇင်ဘာ
ဧရာဝတီတိုင်းဒေသကြီး၊ ပုသိမ်ခရိုင်၊ ရွှေသောင်ယံမြို့အနီး ပတ်ဝန်းကျင်ရှိ လယ်တောများ၊ တောတောင်များတွင် သွားလာအလုပ်လုပ်ကိုင်ကြသူများမှာ ယခုဆောင်းဦးပေါက် ရာသီတွင် အေးချမ်းစွာ အလုပ်လုပ်ကိုင်လျက်ရှိသည်။
ရွှေသောင်ယံရပ်ကွက်သုံးခုနှင့် ကျောက်မောင်နှမကမ်းခြေတို့တွင်လည်း ပြည်သူများ၊ ခရီးသွားဧည့်သည်များ ပုံမှန်စည်ကားလျှက်ရှိပြီး စနေ၊ တနင်္ဂနွေကျောင်းပိတ်ရက်၊ ရုံးပိတ်ရက်များတွင် ပိုမိုစည်ကားလျှက်ရှိသည်။ ကျောက်မောင်နှမကမ်းခြေ ဆင်စခန်းတွင် ဆင်လိမ္မာ ငါးကောင်ရှိကာ၊ ဧည့်သည်များ ဆင်စီး၍ ကမ်းခြေတစ်ပတ် အပန်းဖြေပါက ဆင်စီးခနှုန်းထားမှာ ငါးထောင်ကျပ်ကျသင့်မည်ဖြစ်သည်။
ကိုကိုမောင် ရွှေသောင်ယံ ပြန်/ဆက်
