စဉ့်ကိုင် ၁၈ ဒီဇင်ဘာ
၂၀၁၉ -၂၀၂၀ ၊ ခုနှစ်၊ ဧရာမင်း ၊ ( Rs toCs )မိုးစပါးမျိုးသန့်၊မျိုးပွား၊စံပြ ကွက်ရိတ်သိမ်းပွဲအခမ်းအနားကို မန္တလေးတိုင်းဒေသကြီး ကျောက်ဆည်ခရိုင် စဉ့်ကိုင်မြို့နယ် အုန်းပင်ခြံကျေးရွာအုပ်စု တောင်သူ ဦးမြမောင်၏ ကွင်းအမှတ်(၆၉) ဦးပိုင်အမှတ် ( ၁၅၉ / ၁ ) ယနေ့ ဒီဇင်ဘာ(၁၈)ရက် ၊ နံနက်(၉) နာရီကကျင်းပခဲ့သည်။
အခမ်းအနားသို့ မန္တလေးတိုင်း ဒေသကြီး စိုက်ပျိုးရေးဦးစီးဌာန၊ ညွှန်ကြားရေးမှူး ဦးတိုးမင်း၊ တိုင်းလယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာန၊ ဒု-တိုင်းဦးစီးမှူး ဦးဆန်းလင်းဦး၊ တိုင်းဒေသကြီး လွှတ်တော်ကိုယ်စားလှယ် မဲဆန္ဒနယ်အမှတ်( ၁ ) ဦးအောင်နိုင်လင်း၊ မဲဆန္ဒနယ်အမှတ် (၂)ဦးလှိုင်ဝင်း၊ ခရိုင်အဆင့် စိုက်ပျိုးညှိနှိုင်းရေး အဖွဲ့ဝင်များ၊ ဒုတိယမြို့နယ် အုပ်ချုပ်ရေးမှူး ဦးဝင်းဝင်းစိုး နှင့် ဌာနဆိုင်ရာမှ တာဝန်ရှိသူများ၊ မြို့နယ်အဆင့် စိုက်ညှိအဖွဲ့ဝင်များ၊ ကျေးရွာအဆင့် စိုက်ညှိအဖွဲ့ဝင်များ၊ စော်ရဲကျေးရွာ ရွာသစ်လှုပ်ရှားမှု ကော်မတီ (SMU) အဖွဲ့ဝင်များ၊ လူမှုရေး အဖွဲ့ဝင်များ၊ တောင်သူများ တက်ရောက် အားပေးကြသည်။
အဆိုပါ ကွင်းအမှတ်(၆၉)တောင်သူဦးမြမောင်၏ စံကွက်ရိတ်သိမ်းခဲ့ရာ (၄.၁၆)ဧကတွင် တစ်ဧက ပျမ်းမျှအထွက်နှုန်း တစ်ဧကလျှင်(အစိုတင်း)(၉၅.ဝ၀)တင်းထွက်ရှိခဲ့ပြီး ယခုလို မိုးစပါး စိုက်ဧကများ၏ စံကွက် ရိတ်သိမ်းခြင်းဖြင့် အထွက်နှုန်းကိုသိရှိစေပြီး အထွက်နှုန်းမိတ်ဖက်အရ အားသာချက်၊ အားနည်းချက်များကို တောင်သူများ အသိပညာပေး ဆောင်ရွက်သွားမည်ဖြစ်ကြောင်း မြို့နယ် စိုက်ပျိုးရေး ဦးစီးဌာန၊ ဦးစီးအရာရှိ ဒေါ်စိုးစိုးထံမှ သိရသည်။
ဝင်းဝင်းသန်း(စဉ့်ကိုင်)
