ကြို့ပင်ကောက်  ၂၅  ဒီဇင်ဘာ

၂၀၁၉-၂၀၂၀ ဘဏ္ဍာနှစ်အတွင်း ကြို့ပင်ကောက်မြို့နယ်၌ ပေ ၈၄၁၅ ပေ၊ အကျယ် ၁၂ ပေနှင့် ထု ၉ လက်မရှိသော ကုန်ထုတ်လမ်းစီမံကိန်းတစ်ခုကို အကောင်အထည်ဖော် ဆောင်ရွက်သွားမည်ဖြစ်ကြောင်း မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ သိရသည်။

အဆိုပါ ကုန်ထုတ်လမ်းမှာ အုန်းနှဲကျောတန်း-အောင်ချမ်းသာ ကုန်ထုတ်လမ်းဖြစ်ပြီး ခွင့်ပြုငွေကျပ် ၈၅ ဒသမ ၄၄ သန်းဖြင့် Royal D.A.M ကုမ္ပဏီက အကောင်အထည်ဖော် ဆောင်ရွက်သွားမည်ဖြစ်သည်။

အဆိုပါလမ်းပေါ်ရှိ Box Culvert တံတားနှစ်စင်းပါ တစ်ပါတည်း တည်ဆောက်ပေးသွားမည်ဖြစ်ပြီး ကုန်ထုတ်လမ်းစီမံကိန်း ပြီးစီးသွားပါက အုန်းနှဲကျောတန်းကျေးရွာ၊ ညောင်ကုန်းကျေးရွာ၊ ဆိတ်ချေးကုန်း ကျေးရွာတို့မှ တောင်သူများ၏ စိုက်ပျိုးဧက ၅၀၀ ခန့်မှ ထွက်ရှိသော လယ်ယာထွက်ကုန်များကို အချိန်မီ သိမ်းဆည်းနိုင်ပြီး ဈေးကွက်သို့ အချိန်နှင့်တစ်ပြေးညီ တင်ပို့ရောင်းချနိုင်မည်ဖြစ်ကြောင်း သိရသည်။

ဇေယျာထွန်း(ကြို့ပင်ကောက်)