မော်လမြိုင် ၂ ဇန်နဝါရီ
(၇၂)နှစ်မြောက် လွတ်လပ်ရေးနေ့ အထိမ်းအမှတ်ပြခန်း ဖွင့်ပွဲအခမ်းအနားကို ယနေ့နံနက် ၈ နာရီခွဲက မော်လမြိုင်မြို့ ပြည်နယ်ခန်းမ၌ကျင်းပရာ ပြည်နယ်ဝန်ကြီးချုပ်၊ ပြည်နယ်လွှတ်တော် ဒုတိယဥက္ကဋ္ဌ၊ ပြည်နယ်တရားလွှတ်တော် တရားသူကြီးချုပ်၊ အစိုးရအဖွဲ့ဝင်ဝန်ကြီးများ၊ ပြည်နယ်ဥပဒေချုပ်၊ စာရင်းစစ်ချုပ်၊ ဌာနဆိုင်ရာ အကြီးအကဲများနှင့် ကျောင်းသား ကျောင်းသူများ တက်ရောက်ကြသည်။
အခမ်းအနားတွင် လွတ်လပ်ရေးနေ့ အထိမ်းအမှတ်ပြခန်းကို ပြည်နယ်ဝန်ကြီးချုပ် ဒေါက်တာအေးဇံ၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး နေထွဋ်ဦးနှင့် လျှပ်စစ်၊ စွမ်းအင်နှင့် စက်မှုဝန်ကြီး ဦးလှထွန်းတို့က ဖဲကြိုးဖြတ်ဖွင့်လှစ်ပေးပြီး ပြခန်းအတွင်းသို့ လှည့်လည်ကြည့်ရှုကြသည်။
အဆိုပါ လွတ်လပ်ရေးနေ့ အထိမ်းအမှတ်ပြခန်းတွင် လွတ်လပ်ရေးကြိုးပမ်းဆောင်ရွက်ခဲ့မှု သမိုင်း မှတ်တမ်းဓါတ်ပုံများ၊ နိုင်ငံတော်အကြီးအကဲများ မွန်ပြည်နယ် အတွင်းရောက်ရှိမှု မှတ်တမ်းဓာတ်ပုံများ၊ မွန်ပြည်နယ် အစိုးရအဖွဲ့၏ ဒေသဖွံ့ဖြိုးရေးဆောင်ရွက်မှု မှတ်တမ်းဓာတ်ပုံများနှင့် ဌာနဆိုင်ရာများမှ လုပ်ငန်းဆောင်ရွက်မှု မှတ်တမ်းဓာတ်ပုံများကို ပြဘုတ် (၂၆)ဘုတ်ဖြင့် ဇန်နဝါရီ ၂ ရက်မှ ၇ ရက်အထိ ပြသသွားမည်ဖြစ်ကြောင်း သိရသည်။
ဝေလင်း(ပြန်/ဆက်)
