ရန်ကုန် ၅ ဇန်နဝါရီ
ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ပင်လောင်းမြို့နယ်၊ လှည်းကုန်း-မိုးနဲ-သရဖူ-ကျားတွန်း-အင်းတိန် ကျေးလက်လမ်း ၁၉ ဒသမ ၄ ကီလိုမီတာကို ဂျာမနီဖွံ့ဖြိုးရေးဘဏ်မှ ထောက်ပံ့ကူညီငွေယူရို (၃၅၁၇၄၉၆) ယူရိုဖြင့် ရှမ်းပြည်နယ်(တောင်ပိုင်း) တောင်ကြီးခရိုင် ကျေးလက်လမ်းဦးစီးဌာနက ကတ္တရာလမ်းအဖြစ် ဆောင်ရွက်လျက်ရှိသည်။
အဆိုပါ ကျေးလက်လမ်းသည် မူလက ၁၀ ပေ အကျယ်သာရှိသည့် မြေသားလမ်းဖြစ်၍ မိုးရာသီတွင် သွားလာရခက်ခဲသော လမ်းတစ်လမ်းဖြစ်သော်လည်း အောင်ပန်း၊ ပင်လောင်း၊ မိုးနဲ၊ လွိုင်ကော်လမ်းပေါ်ရှိ ပင်လောင်းမြို့နယ် တီကျစ်မြို့ လှည်းကုန်းကျေးရွာမှ ညောင်ရွှေမြို့နယ် အင်းလေးကန်အနောက်ဘက်ရှိ အင်းတိန်ကျးရွာသို့ ဆက်သွယ်သည့် မြို့နယ်ချင်းဆက်လမ်း ဖြစ်သည်။
ယခု ၂၀၁၉-၂၀၂၀ ဘဏ္ဍာရေးနှစ်ကုန်တွင် ကတ္တရာခင်းခြင်းလုပ်ငန်းကို အပြီးဆောင်ရွက်မည်ဖြစ်ပြီး အဆိုပါကျေးလက်လမ်းပြီးစီးပါက ဒေသတွင်းရှိ ကျေးရွာ ၅ ရွာ၊ အိမ်ခြေ ၈၄၀၊ လူဦးရေ ၄၅၁၀ တို့အတွက် အကျိုးခံစားရမည်ဖြစ်သည့်အပြင် အင်းလေးကန်အနောက်ဘက်ဒေသမှထွက်ရှိသည့် ဒေသထွက်ကုန်များ ဈေးကွက်သို့ ကုန်ကျစားရိတ်သက်သာစွာဖြင့် ရောက်ရှိနိုင်တော့မည်ဖြစ်သည်။
ခရမ်းစိုးမြင့်
