လဟယ် ၁၁ ဇန်နဝါရီ
စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသရှိ လဟယ်မြို့တွင် ဇန်နဝါရီ ၁၄ ရက်မှ ၁၆ ရက်အထိ စည်ကားသိုက်မြိုက်စွာကျင်းပမည့် နာဂရိုးရာနှစ်သစ်ကူးပွဲတော်တွင် နာဂရိုးရာလက်မှု အထည်ဆိုင်မှ ရိုးရာအသုံးအဆောင်ပစ္စည်းများကို ဈေးနှုန်းသင့်တင့်မျှတစွာဖြင့် ရောင်းချပေးသွားမည် ဖြစ်ကြောင်း သိရသည်။
အိန္ဒိယနိ်ုင်ငံမှ ရိုးရာချည်နှင့် ပုတီးများကိုဝယ်ယူပြီး လဟယ်မြို့တွင်ယက်လုပ်ကာ ရိုးရာအသုံးအ ဆောင်များဖြစ်သည့် ရိုးရာခြုံဆောင်၊ တဘက်(မာဖလာ)၊ လွယ်အိတ်၊ လည်ဆွဲပုတီး၊ တောဝက်အစွယ်ဖြင့် ပြုလုပ်ထားသည့် ပုတီး၊ ရိုးရာလုံချည်၊ ပုဆိုး၊ လက်ကောက်၊ ရိုးရာအင်္ကျီစသည့် ရိုးရာအသုံးအဆောင်ပစ္စည်းများကို ရိုးရာပွဲအတွင်းနှင့် ရိုးရာပွဲအပြီးတွင်လည်း လဟယ်မြို့ တိုးချဲ့ ရပ်ကွက်(၂) တွင် ဆက်လက်ရောင်းချသွားမည်ဖြစ်ကြောင်း သိရသည်။
စနေမောင်(ခန္တီး)
