ဘားအံ ၁၃ ဇန်နဝါရီ
ကရင်ပြည်နယ်၊ ကြာအင်းဆိပ်ကြီးမြို့နယ်အတွင်းရှိ အသက်(၈၅)နှစ်နှင့်အထက် သက်ကြီးအဘိုးအဘွား ၃၅၉ ဦးအား ယမန်နေ့ နံနက် ၈ နာရီခွဲက မြို့နယ် အထွေထွေအုပ်ချုပ်ရေးဦးစီးဌာန ခန်းမ၌ ၂၀၁၉-၂၀၂၀ ဘဏ္ဍာရေးနှစ် ပထမ(၃)လပတ် ထောက်ပံငွေ စုစုပေါင်း ငွေကျပ် ၁၀၇၇၀ဝ၀ဝ ကျပ်ကို ထောက်ပံ့ပေးအပ်ခဲ့သည်။
ထိုသို့ ထောက်ပံ့ပေးအပ်ရာတွင် ကရင်ပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါ်နန်းခင်ထွေးမြင့်က အဘိုးအဘွား တစ်ဦးလျှင် တစ်လထောက်ပံ့ငွေ ကျပ်တစ်သောင်းနှုန်းဖြင့် ၃၅၉ ဦးအား (၃)လစာ ထောက်ပံ့ငွေ စုစုပေါင်း ငွေကျပ် ၁၀၇၇၀ဝ၀ဝ အား မြို့နယ်အုပ်ချုပ်ရေးမှူးထံ ပေးအပ်ခဲ့သည်။
အဆိုပါ ထောက်ပံ့ခြင်းကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၏ မြန်မာနိုင်ငံ အမျိုးသားအဆင့် လူမှုကာကွယ်စောင့်ရှောက်ရေး မဟာဗျူဟာ စီမံချက်၊ လူမှုကာကွယ် စောင့်ရှောက်ရေး ဦးစားပေးလုပ်ငန်းစဉ်(၈)ရပ်ထဲမှ အစီအစဉ် တစ်ရပ်အနေဖြင့် ထောက်ပံ့ပေးအပ်ခြင်းဖြစ်ကြောင်း သိရသည်။
စောမျိုးမင်းသိန်း(ပြန်/ဆက်)
