တာချီလိတ် ၂၆ ဇန်နဝါရီ
ဆေးလိပ်ငွေ့ကင်းစင် ရှမ်းပြည်တစ်ခွင် လှုပ်ရှားမှုအဖြစ် လူထုစက်ဘီးစီးပွဲကို ယနေ့ နံနက် ၆ နာရီက ရှမ်းပြည်နယ်(အရှေ့ပိုင်း) တာချီလိတ်မြို့တွင် ကျင်းပခဲ့သည်။
အဆိုပါ လူထုစက်ဘီးစီးပွဲကို ရှမ်းမကွင်းရှေ့မှ စတင်တာထွက်ပြီး ဗိုလ်ချုပ်လမ်းမကြီးအတိုင်း တာချီလိတ်မြို့အဝင် ဆိုင်းဘုတ်အထိ လူထုစက်ဘီးစီးပွဲကို တပျော်တပါး ဆင်နွှဲခဲ့ကြသည်။
အဆိုပါ ဆေးလိပ်ငွေ့ကင်းစင် ရှမ်းပြည်တစ်ခွင် လူထုစက်ဘီးစီးပွဲကို မြို့နယ်အားကစားနှင့် ကာယပညာဦးစီးဌာနနှင့် MTB Tachileik တို့ ပူးပေါင်းပြီး လစဉ်နောက်ဆုံးပတ် တနင်္ဂနွေနေ့တိုင်း စုပေါင်းစီးနင်းကြမည်ဖြစ်ကြောင်း သိရသည်။
စိုင်းအောင်ဇော်လင်း
