ဖလမ်း ၂၈ ဇန်နဝါရီ
ဖလမ်းမြို့၊ လုံပီးစိုက်ပျိုးရေး သိပ္ပံကျောင်း၏ ဒုတိယအကြိမ်မြောက် စိုက်ပျိုးရေးဒီပလိုမာ အောင်လက်မှတ် အပ်နှင်းခြင်းကို ဇန်နဝါရီ ၂၆ ရက် နံနက်ပိုင်းက အဆိုပါ ကျောင်းခန်းမ၌ ပြုလုပ်သည်။
ရှေးဦးစွာ ချင်းပြည်နယ် စိုက်ပျိုးရေးဦးစီးဌာန၊ ဒုတိယပြည်နယ်ဦးစီးမှူး ဦးကျော်ကျော်ဦးက အမှာစကားပြောကြားသည်။ ထို့နောက် လုံပီးစိုက်ပျိုးရေး သိပ္ပံကျောင်း ကျောင်းအုပ်ကြီး ဒေါ်ဉမ္မာကျော် က စိုက်ပျိုးရေး ဒီပလိုမာ အောင်လက်မှတ်များကို ကျောင်းသား ကျောင်းသူများအား ပေးအပ်သည်။
ဆက်လက်၍ သင်တန်းကာလ(၃)နှစ်အတွင်း အထူးချွန်ဆုံး သင်တန်းသူ (၃) ဦးကို ဖလမ်း မြို့နယ် အုပ်ချုပ်ရေးမှူး ဦးကြားအွယ်က ဆုများအသီးသီးပေးအပ်ချီးမြှင့်ပြီး လုံပီးစိုက်ပျိုးရေး သိပ္ပံကျောင်း ကျောင်းအုပ်ကြီးက ဒီပလိုမာအောင်လက်မှတ်အပ်နှင်းပွဲ မိန့်ခွန်းပြောကြားပြီး အခမ်းအနားကို ရုပ်သိမ်းလိုက်သည်။
ချင်းပြည်နယ်၊ ဖလမ်းမြို့၊ လုံပီးစိုက်ပျိုးရေး သိပ္ပံကျောင်းတွင် (၃)နှစ်တာကာလ စာတွေ့၊ လက်တွေ့ဖြင့် ပညာသင်ကြားပြီး အောင်မြင်သော ကျောင်းသား ကျောင်းသူ (၉၂) ဦးတို့ကို ဒုတိယအကြိမ်ဖြင့် စိုက်ပျိုးရေး ဒီပလိုမာ အောင်လက်မှတ်အပ်နှင်းနိုင်ခဲ့ပြီး အဆိုပါ ကျောင်းသား ကျောင်းသူများထဲမှ (၁၀) ဦးသည် ရေဆင်းစိုက်ပျိုးရေး တက္ကသိုလ်တွင် တက်ရောက်ခွင့်ရရန် ဝင်ခွင့်စာမေးပွဲဖြေဆိုခွင့် ရမည်ဖြစ်ကြောင်း သိရသည်။
ဂျွန်( ပြန်/ဆက် )
