ချောက် ၁ ဖေဖော်ဝါရီ
မကွေးတိုင်းဒေသကြီး ချောက်မြို့အမှတ်(၄)ရပ်ကွက် အုံမြားစု ရပ်ကွက်အုပ်ချုပ်ရေးမှူးရုံးရှေ့၌ ယနေ့ နံနက်က မြို့နယ်အဆင့် ၂ လမှ ၄ လအရွယ် ကလေးငယ်များ ပြင်းထန်ဝမ်းပျက်ဝမ်းလျှော ရောဂါကာကွယ်ရေး ရိုတာဗိုင်းရပ်စ် ကာကွယ်ဆေး တိုက်ကျွေးခြင်း ဖွင့်ပွဲအခမ်းအနား ကျင်းပခဲ့သည်။
မြို့နယ်အဆင့် ရိုတာဗိုင်းရပ်စ်ကာကွယ်ဆေး တိုက်ကျွေးခြင်းကို မြို့နယ်အုပ်ချုပ်ရေးမှူး ဦးကျော်ဆွေဝင်း၊ မြို့နယ်ဆရာဝန်ကြီး ဒေါက်တာမျိုးသက်ဦး၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးမှူး ဒေါ်ချိုချိုမာ၊ မိခင်နှင့်ကလေး စောင့်ရှောက်ရေး အမျိုးသမီးရေးရာဥက္ကဋ္ဌ၊ မြို့နယ်ကြက်ခြေနီ၊ ရပ်ကွက်အုပ်ချုပ်ရေးမှူးနှင့် ကာကွယ်ဆေးတိုက်ကျွေးမည့် ကလေးမိခင်များတို့က ဖဲကြိုးဖြတ်ဖွင့်လှစ်ခဲ့သည်။
ထိုသို့ဆောင်ရွက်ခြင်းနှင့်အတူ မြို့နယ်ကျန်းမာရေးဝန်ထမ်းများက ရပ်ကွက်များရှိ မွေးကင်းစမှ (၅)နှစ်အတွင်း ကလေးငယ်များ ကိုယ်ဝန်ဆောင်မိခင်များအားလုံး ပုံမှန်ကာကွယ်ဆေးထိုးရန်၊ သံချဆေးနှင့် ဗီတာမင်အေဆေးတို့ကို တိုက်ကျွေးသွားမည်ဖြစ်ကြောင်း သိရသည်။
ကျော်မိုး(ပြန်/ဆက်)
