ပခုက္ကူ ၁၀ ဖေဖော်ဝါရီ
ကိုရိုနာဗိုင်းရပ်(စ်) လတ်တလောအသက်ရှုလမ်းကြောင်းဆိုင်ရာ ရောဂါဖြစ်ပွားမှုဖြစ်စဉ်ရှိပါက ကုသရန်အတွက် ပခုက္ကူခရိုင်ပြည်သူ့ဆေးရုံကြီး၌ သီးသန့်ခန်းထားရှိကြောင်း သိရသည်။
ကြိုတင်ပြင်ဆင်မှုအနေဖြင့် ဆေးရုံပိုင်းတွင် သံသယလူနာ၊ စောင့်ကြည့်ရမည့်လူနာများရှိပါက ညွှန်ကြားချက်နှင့်အညီ လက်ခံရန် သီးသန့်ခန်း ဆရာဝန်၊ ဆရာမအဆင်သင့်ပြင်ဆင်ထားပြီး မြို့နယ်အတွင်း နယ်များတွင် သားဖွားဆရာမများ၊ ကျန်းမာ ရေးဌာနခွဲ၊ ကျန်းမာရေးဌာနများက တရုတ်နိုင်ငံမှ (၁၄)ရက်အတွင်း ပြန်ရောက်နေသော လူနာများစာရင်းကို ကောက်ယူရန် အဆင့်ဆင့်တာဝန်ပေးထားပြီး မြို့နယ်၊ခရိုင်ပြည်သူ့ကျန်းမာရေးဦးစီးမှူးများထံ နေ့စဉ် နံနက် ၉ နာရီပေးပို့လျက်ရှိကြောင်း သိရသည်။
ကိုဇော်(ဓာတု)
