မြိတ် ၂၈ ဖေဖော်ဝါရီ
တနင်္သာရီတိုင်းဒေသကြီး မြိတ်မြို့တွင် ပြည်သူများအတွက် ဆေးဆိုင်များအား ဆေးဝါးရောင်းချမှုကျင့်စဉ်နှင့်အညီ ရောင်းချခြင်းရှိမရှိကို တနင်္သာရီတိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာနနှင့် မြိတ်ခရိုင် အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီမှ ဌာနဆိုင်ရာတာဝန်ရှိသူများသည် ဖေဖော်ဝါရီ ၂၇ ရက် မွန်းလွဲ ၂ နာရီခွဲက မြိတ်မြို့ရှိ ဆေးဆိုင်များအား ရှောင်တခင်ကွင်းဆင်းစစ်ဆေး အသိပညာပေးခဲ့ကြသည်။
စစ်ဆေးရေးအဖွဲ့မှ ကွင်းဆင်းစစ်ဆေးရာ၌ ဆေးဆိုင်များတွင် ဆေးဝါးရောင်းချခွင့်လိုင်စင်ရှိမရှိ၊ သက် တမ်းလွန်ဆေးဝါး၊ တရားမဝင်ဆေးဝါး၊ ဆေးဝါးအတု၊ စံမညီဆေးဝါး၊ စပ်ဆေးများ ရောင်းချခြင်းရှိမရှိတို့ကို ဆေးဆိုင်(၉)ဆိုင်အား ရှောင်တခင် ကွင်းဆင်းစစ်ဆေးဆောင်ရွက်ခဲ့ကြရာ ဆေးဆိုင်တစ်ဆိုင်တွင် သက်တမ်းလွန် ဆေးဝါး (၉)မျိုး တွေ့ရှိခဲ့၍ ၄င်းတို့အားသိမ်းဆည်းခဲ့ပြီး နောက်နောင်ရောင်းချမှုမရှိစေရေးအတွက် ခံဝန်လက်မှတ် ရေးထိုးစေခဲ့ပြီး အသိပညာပေးခဲ့ကြကြောင်း သိရသည်။
ခိုင်ထူး (မြိတ် ပြန်/ဆက်)
