ညောင်ဦး ၂၆ မတ်
မန္တလေးတိုင်းဒေသကြီး ညောင်ဦးမြို့နယ် ကောင်းညိုကျေးရွာနှင့် ကန်နီကြီးတဲတိုက်ရှိ ဒေသခံကျေးလက်နေပြည်သူများ သောက်သုံးရေရှားပါးမှု အခက်အခဲများ ကြုံတွေ့နေရကြောင်း သိရသဖြင့် မတ် ၂၆ ရက် ၊ နံနက် ၉ နာရီခွဲက ညောင်ဦးမြို့နယ် ဖြူစင်မေတ္တာပရဟိတ ရေလှူအသင်းနှင့် သုမင်္ဂလာ ပရဟိတရေလှူအသင်းတို့ ပူးပေါင်းအဖွဲ့က ရေသယ်ယာဉ်များဖြင့် သောက်သုံးရေများ သွားရောက်လှူဒါန်းပေးခဲ့ကြောင်း သိရသည်။
ထိုသို့ သောက်သုံးရေများ သွားရောက်လှူဒါန်းပေးရာတွင် ညောင်ဦးမြို့နယ် ဖြူစင်မေတ္တာပရဟိတရေလှူအသင်းနှင့် သုမင်္ဂလာ ပရဟိတရေလှူအသင်း အဖွဲ့ဝင်များက ရေသယ်ယာဉ်နှစ်စီးဖြင့် သွားရောက်၍ ညောင်ဦးမြို့နယ် ကောင်းညိုကျေးရွာရှိ အိမ်ခြေ ၁၉၀ မှ လူဦးရေ ၁၀၇၅ ဦးအတွက် ရေဂါလန် ၂၅၀ဝ ၊ ကန်နီကြီးတဲတိုက်ရှိ အိမ်ခြေ ၄၃ အိမ်ရှိ လူဦးရေ ၂၀ဝ ကျော်အတွက် ရေဂါလန် ၁၅၀ဝ ၊ စုစုပေါင်း ရေဂါလန် ၄၀ဝ၀ အား ကျေးလက်နေပြည်သူများ သောက်သုံးရေ ဖူလုံစေရေး စနစ်တကျ ခွဲဝေလှူဒါန်းပေးခဲ့ကြောင်း ညောင်ဦးမြို့နယ် ဖြူစင်မေတ္တာပရဟိတရေအလှူအသင်းမှ အဖွဲ့ဝင်ဖြစ်သူ ဦးဇော်ပွေးထံမှ သိရသည်။
ရဲဝင်းနိုင် (ညောင်ဦး)
