ရှမ်းပြည်နယ်ဝန်ကြီးချုပ်နှင့်အဖွဲ့ ပင်လုံမြို့ ကိုရိုနာဗိုင်းရပ်စ် ထိန်းချုပ်၊ ကာကွယ်ရေး အထူးကြပ်မတ်ဆောင်ရွက်သည့်နေရာသို့ လာရောက်ကြည့်ရှု

ပင်လုံ ၁ ဧပြီ

ရှမ်းပြည်နယ်ဝန်ကြီးချုပ် ဒေါက်တာလင်းထွဋ်နှင့် အစိုးရအဖွဲ့ဝင် ဝန်ကြီးများသည် ယနေ့ မွန်းတည့် ၁၂ နာရီက ရှမ်းပြည်နယ်တောင်ပိုင်း ပင်လုံမြို့သို့ရောက်ရှိကာ ထိုင်းနိုင်ငံမှ ဝင်ရောက်လာ သူ(၁၅)ဦးအား (Facility Quarantine) အဖြစ်ထားရှိသည့် ပင်လုံတက္ကသိုလ်ဘော်ဒါဆောင်သို့ ရောက်ရှိပြီး ကိုဗစ်-၁၉ ကာကွယ်၊ ထိန်းချုပ်၊ ကုသရေး လုပ်ငန်းအထူးကြပ်မတ်ဆောင်ရွက်ရန်အတွက် လိုအပ်သည်များ မှာကြားသည်။

ထို့နောက် မြို့အဝင်/ အထွက်များတွင် ခရီးသည်တင်ယာဉ်များဖြင့် စီးနင်းလိုက်ပါလာသောခရီးသည်များအား ကျန်းမာရေးစစ်ဆေးခြင်းလုပ်ငန်းများ ဆောင်ရွက်ပေးနေသည့် ပင်လုံမြို့ အထက(၁)သို့ ရောက်ရှိပြီး ကိုဗစ်-၁၉ ကာကွယ်၊ ထိန်းချုပ်၊ ကုသရေး လုပ်ငန်းများတွင် ဝန်ထမ်းများ၊ ပြည်သူများ၊ ရပ်ရွာလူမှုကူညီရေး အဖွဲ့များအားလုံးမှ ပူးပေါင်းပါဝင် ဆောင် ရွက်ပေးရန်မှာ ကြားခဲ့သည်။

ထို့နောက် ရှမ်းပြည်နယ်လွှတ်တော် ကိုယ်စားလှယ် ဒေါ်နန်းမြထွေး၊ လွိုင်လင်ခရိုင် အထွေထွေအုပ် ချုပ်ရေးဉီးစီးဌာန ခရိုင်အုပ်ချုပ်ရေးမှူး ဉီးအောင်ဇော်လတ်တို့က လွိုင်လင်မြို့နယ်၊ ပင်လုံမြို့အနေဖြင့် ထိုင်းနိုင်ငံနှင့် ပြည်ပနိုင်ငံများမှ ပြန်လည်ရောက်ရှိလာသူများအား စနစ်တကျ ကျန်းမာရေးစစ်ဆေးခြင်း၊ စနစ်တကျစောင့်ကြည့်ခြင်းနှင့် ဆောင်ရွက်နေမှုအခြေအနေများအား ပြန်လည်တင်ပြကြောင်းသိရှိရပါသည်။

နန်းမြင့်မြင့်ဆွေ (ပြန်/ဆက်၊ပင်လုံ)