တောင်သာ ၃ ဧပြီ
မန္တလေးတိုင်းဒေသကြီး မြင်းခြံခရိုင် တောင်သာမြို့နယ်တွင် ကိုဗစ်-၁၉ ရောဂါ ကူးစက်ပြန့်ပွားလာခြင်း မရှိစေရေးအတွက် နေ့စဉ်အရှိန်အဟုန်မပြတ် ဆောင်ရွက်လျက်ရှိရာ ဧပြီလ(၃)ရက်၊နံနက် (၉)နာရီက တောင်သာမြို့အဝင် မိတ္ထီလာကားလမ်း၊ ကျောက်ပန်းတောင်းကားလမ်းနှင့် မြင်းခြံကားလမ်းများတွင် တောင်သာမြို့နယ် ကိုဗစ်-၁၉ ရောဂါ ကာကွယ်ထိန်းချုပ်ကုသရေး ကော်မတီမှ ဦးဆောင်၍ မြို့နယ် အထွေထွေ အုပ်ချုပ်ရေး ဦးစီးဌာန၊ကျန်းမာရေးဌာန၊ ရဲတပ်ဖွဲ့၊ မီးသတ်တပ်ဖွဲ့၊ မြို့မိမြို့ဖများ၊ လူမှုရေး အသင်းအဖွဲ့များနှင့်အတူ ပူးပေါင်း၍ ခရီးသွားကားများ၊ ဆိုင်ကယ်များနှင့် ခရီးသွား ပြည်သူများ မြို့တွင်းဝင်ရောက်သူများအား ကိုယ်အပူချိန်များ တိုင်းတာစစ်ဆေးခြင်း၊ မှတ်တမ်းရယူခြင်းနှင့် အသိ ပညာပေးခြင်း လုပ်ငန်းများ ဆောင်ရွက်လျက်ရှိကြောင်း သိရသည်။
ထိုသို့ ဆောင်ရွက်ရာတွင် တိုင်းဒေသကြီး(၁)လွှတ်တော်ကိုယ်စားလှယ်ဦးစိန်ဝင်းနှင့် ဌာနဆိုင်ရာ တာဝန်ရှိသူများ ပူးပေါင်းအဖွဲ့သည် အခြားဒေသနှင့်နိုင်ငံရပ်ခြားပြန် ခရီးသွားပြည်သူ များအား ကိုယ်ရေး အချက်အလက်များ ကောက်ယူစစ်ဆေးခြင်း၊ အပူချိန်တိုင်း ကိရိယာဖြင့် ကိုယ်အပူချိန်များ တိုင်းတာစစ်ဆေးခြင်းနှင့် ကိုဗစ်-၁၉ ရောဂါကူးစက် ပြန့်ပွားရေး မရှိစေရေးအတွက် လူထူထပ်သော နေရာများမသွားရန် အရေးကြီးကိစ္စမှလွှဲ၍ အိမ်အပြင် မထွက်ရန်၊ နှာခေါင်းစည်းများ တပ်ရန်၊ မိဘပြည်သူများက ကျန်းမာရေးအသိ ကျန်းမာရေးသတိဖြင့် ပူးပေါင်းလိုက်နာ ဆောင်ရွက်ရန် စသည့်များကို အသိပညာပေးခဲ့ကြောင်း သိရသည်။
ကျော်မျိုးနိုင်(တောင်သာ)
