ဖာပွန် ၂၅  ဧပြီ

ကရင်ပြည်နယ်၊ ဖာပွန်ခရိုင် ဖာပွန်မြို့တွင် ခရိုင်လူမှုဝန်ထမ်းဦးစီးဌာနမှ ယမန်နေ့နံနက်ပိုင်းက ဖာပွန်မြို့ အမှတ်(၂)ရပ်ကွက် အ.ထ.က ကျောင်းသို့သွားရောက်၍ Quarantine ဝင်​နေသူအား စိတ်ပိုင်းဆိုင်ရာ အားပေးခြင်းများ ဆောင်ရွက်ခဲ့သည်။

ထိုသို့ ဆောင်ရွက်ရာတွင် ခရိုင်လူမှုဝန်ထမ်းဦးစီးဌာနမှ ဌာနစိတ်မှူး ဦးငြိမ်းချမ်းအေးနှင့် ဝန်ထမ်းများက အ.ထ.က ဖာပွန်၌ ဖွင့်လှစ်ထားသော Community Based Facility Quarantine Centre သို့သွားရောက်ပြီး Quarantine ဝင်​​နေသူ တစ်ဦးအားကိုဗစ်-၁၉ ရောဂါနှင့်ပတ်သက်၍ စိတ်ပိုင်းဆိုင်ရာ အားပေးခြင်းများ ဆောင်ရွက်ခဲ့​ကြောင်း၊ ကိုဗစ်-၁၉ ​ရောဂါနှင့်ပတ်သက်၍ Hot Line တယ်လီဖုန်းနံပါတ်များပါရှိသည့် ဗီနိုင်းနှင့် အိမ်တွင်း အကြမ်းဖက်မှုအပါအဝင် အမျိုးသမီးများပေါ် အကြမ်းဖက်မှုများနှင့်ပတ်သက်၍ တိုင်ကြားနိုင်သည့် Help Line တယ်လီဖုန်းနံပါတ်များပါရှိသော ဗီနိုင်းများကပ်ခြင်းများ ဆောင်ရွက်ခဲ့ကြောင်း သိရသည်။

ယင်းနောက် ကိုဗစ်-၁၉ရောဂါနှင့် ပတ်သက်၍ စိတ်ပိုင်းဆိုင်ရာ အားပေးခြင်းများ ဆောင်ရွက်လျက်ရှိသော Hot Line တယ်လီဖုန်းနံပါတ်များနှင့် အိမ်တွင်းအကြမ်းဖတ်မှုအပါအဝင် အမျိုးသမီးများပေါ် အကြမ်းဖက်မှုများနှင့် ပတ်သက်၍ တိုင်ကြားနိုင်သည့် Help Line တယ်လီဖုန်းနံပါတ်များကို မြို့ပေါ်ရပ်ကွက်များနှင့် ကျေးရွာများသို့ သွားရောက်၍ အသံချဲ့စက်ဖြင့် လိုက်လံအသိပေးခဲ့ကြောင်း သိရှိရသည်။

စိုင်း​ကျော်ဝဏ္ဏ၊တိုး​ဝေဇင်(ပြန်ဆက်)