ဟားခါး ၂၇ ဧပြီ
စစ်ဗျူဟာအဖွဲ့ အခြေချ (ဟားခါး)မှ စစ်ဗျူဟာမှူးနှင့် အဖွဲ့သည် ယနေ့ နံနက် ၁၀ နာရီက ထန်တလန်မြို့ ပြည်သူ့ဆေးရုံတွင် တက်ရောက်ကုသလျက်ရှိသော လူနာများအတွက် အင်အားဖြည့် အစားအစာများ ထောက်ပံ့ လှူဒါန်းခဲ့သည်။
ထိုသို့လှူဒါန်းရာတွင် စစ်ဗျူဟာမှူးနှင့် စစ်သည်များက ဆေးကုသမှု ခံယူလျက်ရှိကြသော လူနာများအတွက် ကြက်ဥ ၁၅၀ လုံး၊ နို့မှုန့် ၅ ထုပ်၊ ရွှေဖီဦးအသင့်ဖျော် လက်ဖက်ရည် ၇ ထုပ်၊ ဘီစကစ်မုန့် (၁၅) ထုပ်၊ ကုလားပဲ ၅ ပိဿာ စသည့် အင်အားဖြည့် အစားအစာများ ထောက်ပံ့လှူဒါန်းခဲ့သည်။
ထို့နောက် ထန်တလန်မြို့ ပြည်သူ့ဆေးရုံတွင် တာဝန်ထမ်းဆောင်နေသော ဆေးရုံဝန်ထမ်းများအား ရွှေဖီဦး အသင့်ဖျော် လက်ဖက်ရည်နှင့် ဘာလီအချိုရည်များ ထောက်ပံ့ပေးအပ်ခဲ့ကြောင်း သိရသည်။
မြင့်နိုင်စိုး (ပြန် ဆက်)
